Shavkat Mirziyoyev Qashqadaryoga tashrifini Qarshi universitetiga tashrif bilan yakunladi. Video

Shavkat Mirziyoyev Qashqadaryoga tashrifini Qarshi universitetiga tashrifi bilan yakunladi. Video

Prezident Shavkat Mirziyoyev Qashqadaryo viloyatiga tashrifini Qarshi davlat universitetiga tashrifi bilan yakunladi. Davlat rahbari bu yerda yaratilgan sharoitlar bilan tanishdi va soʻng Toshkentga qaytib keldi.

Prezident matbuot xizmati xabariga koʻra, universitetda bakalavriat va magistratura dasturlari boʻyicha 14 mingdan ortiq talaba tahsil olmoqda. Oliy oʻquv yurti shtatida 579 nafar oʻqituvchi bor. Ingliz filologiyasi, matematika, amaliy matematika va fizika yoʻnalishlari xalqaro akkreditatsiyadan oʻtdi. Shuningdek, Rossiya va Belarus universitetlari bilan hamkorlikda 14 ta taʼlim dasturi amalga oshirilmoqda.

Tillar fakultetida ming oʻrinli mediastudiya hamda xitoy, nemis, frantsuz, ingliz va rus tillari markazlari ochilgan. Xalqaro laboratoriyalar markazida sunʼiy intellekt, mashinada oʻqitish va robototexnika sohalarida tadqiqotlar olib borilmoqda.

Oʻtgan yili oliy oʻquv yurtida yirik qurilish va taʼmirlash ishlari amalga oshirildi. Uchta yangi talabalar turar joyi hisobiga 1,3 mingdan ortiq qoʻshimcha oʻrin paydo boʻldi va bu talabalar turar joyiga boʻlgan ehtiyojni toʻliq qopladi.

Universitet hududida 240 oʻrinli bogʻcha, kutubxona, oshxonalar, yoshlar markazi va konferentsiyalar saroyi faoliyat yuritmoqda. Oliy oʻquv yurti huzurida «Lochin» futbol jamoasi tashkil etilgan boʻlib, u uchun zamonaviy maydon qurilgan. Prezident, shuningdek, talabalarga xizmat koʻrsatish markazi faoliyati bilan ham tanishdi.

Avvalroq Mirziyoyev Qashqadaryo bir-ikki yil ichida mamlakatning ilgʻor hududlari qatoriga kirishi mumkinligini aytgan edi. Buning uchun, davlat rahbarining soʻzlariga koʻra, tuman hokimlari va banklar bilim ragʻbatlantiriladigan, mehnat qilish uchun imkoniyatlar yaratiladigan va tashabbuslar qoʻllab-quvvatlanadigan muhitni yaratishlari kerak.