Shavkat Mirziyoyev Janubiy Koreyaga davlat tashrifini yakunladi
Oʻzbekiston Prezidenti Shavkat Mirziyoyev Koreya Respublikasiga davlat tashrifini yakunlab, Seuldan Toshkentga uchib ketdi. Tashrif davomida Mirziyoyev Janubiy Koreya Prezidenti Li Chje Myon bilan tor va kengaytirilgan tarkibda muzokaralar oʻtkazdi. Tomonlar alohida strategik sheriklik munosabatlarini yanada mustahkamlashni muhokama qildilar. Bundan tashqari, Oʻzbekiston Prezidenti Milliy assambleya spikeri Cho Chon Sik, Bosh vazir […]
Shavkat Mirziyoyev Janubiy Koreyaga davlat tashrifini yakunladi
Oʻzbekiston Prezidenti Shavkat Mirziyoyev Koreya Respublikasiga davlat tashrifini yakunlab, Seuldan Toshkentga joʻnab ketdi.
Safar doirasida Mirziyoyev Janubiy Koreya Prezidenti Li Chje Myon bilan tor va kengaytirilgan tarkibda muzokaralar oʻtkazdi. Uchrashuvlarda tomonlar alohida strategik sheriklik munosabatlarini yanada mustahkamlashni muhokama qildilar.
Bundan tashqari, Oʻzbekiston Prezidenti Milliy assambleya Spikeri Cho Chon Sik, Bosh vazir Xan Dok Su, shuningdek, Koreyaning yetakchi kompaniyalari va moliyaviy institutlari rahbarlari bilan uchrashdi.
Oʻzbekiston-Koreya biznes-forumi davomida qoʻshma loyihalar ishga tushirildi, qator obʼyektlar qurilishi boshlab yuborildi va kelishuvlar paketi imzolandi.
Mirziyoyev, shuningdek, «Markaziy Osiyo — Koreya Respublikasi» birinchi sammitida ishtirok etib, hamkorlikning beshta strategik yoʻnalishi boʻyicha tashabbuslarni ilgari surdi. Bundan tashqari, Prezident ushbu format doirasidagi birinchi biznes-sammitda nutq soʻzladi.
Tashrif davomida Janubiy Koreyada istiqomat qilayotgan oʻzbek diasporasi vakillari bilan alohida uchrashuvlar boʻlib oʻtdi.
Tashrif dasturi yakunlangach, Seul aeroportida Shavkat Mirziyoyev va uning rafiqasini Koreya Respublikasi ichki ishlar va xavfsizlik vaziri Yun Xo Chjun va boshqa rasmiy shaxslar kuzatib qoʻydi.
Oʻzbekiston Prezidenti Toshkentga yoʻl oldi.