Sevara Nazarxon va dirijyor Kamoliddin Oʻrinboyev Qozogʻistonning davlat mukofotlarini olishdi

Oʻzbek xonandasi Sevara Nazarxon va dirijyor Kamoliddin Oʻrinboyev Qozogʻistonning II darajali «Dostik» («Doʻstlik») ordeni bilan taqdirlandilar. Mukofotlar Oʻzbekiston va Qozogʻiston oʻrtasidagi madaniy aloqalarni mustahkamlashga qoʻshgan hissasi uchun topshirildi.

Marosim 29 oktyabr kuni Astanada boʻlib oʻtdi. Madaniyat arboblariga davlat mukofotlarini Qozogʻiston vitse-prezidenti Yerlan Karin topshirdi.

Sevara Nazarxon milliy musiqani ommalashtirgani va ikki mamlakat madaniyatlarini yaqinlashtirishga qoʻshgan hissasi uchun eʼtirof etildi. Ijodi nafaqat Oʻzbekistonda, balki undan tashqarida ham mashhur.

Kamoliddin Oʻrinboyev ordenni musiqa sanʼatini rivojlantirish, xalqaro madaniy hamkorlik va ikki mamlakat oʻrtasidagi ijodiy aloqalarni mustahkamlashdagi xizmatlari uchun oldi.

Ushbu mukofotlar oʻzbek artistlarining mamlakatlar oʻrtasidagi munosabatlarni rivojlantirishga qoʻshgan hissasining eʼtirofi boʻldi, chunki qoʻshma kontsertlar, ijodiy loyihalar va madaniy almashinuv hamkorlikning muhim yoʻnalishlaridan biri boʻlib qolmoqda.

Avvalroq II darajali «Dostik» ordeni afsonaviy «Yalla» ansambli rahbari, Oʻzbekiston xalq artisti Farruh Zokirovga topshirilgan edi.