Sergelida oʻquvchilar quvur orqali oʻtishga majbur boʻlgan «Junariq» kanali ustida koʻprik qurib bitkazildi
Avval ushbu hududda kanal orqali xavfsiz oʻtish imkoniyati cheklangan edi. Aholi, jumladan, maktab oʻquvchilari yoʻlni
Sergelida oʻquvchilar quvurlar orqali oʻtishga majbur boʻlgan «Junariq» kanali ustida koʻprik qurilishi yakunlandi.
Toshkent shahrining Sergeli tumanida «Junariq» va «Yuqori Darxon» mahallalarini bogʻlovchi yangi koʻprik foydalanishga topshirildi. Bu haqda poytaxt hokimligi maʼlum qildi.
Ushbu inshoot hududdagi transport va piyodalar harakatini yaxshilash, xususan, maktab oʻquvchilarining xavfsizligini taʼminlashga xizmat qiladi.
Ilgari bu hududda kanaldan xavfsiz oʻtish imkoniyati cheklangan edi. Aholi, jumladan, maktab oʻquvchilari yoʻlni qisqartirish maqsadida kanal ustidan oʻtkazilgan quvurlardan foydalanishga majbur boʻlishgan.
Yangi koʻprikning uzunligi 28 metr, kengligi esa 8 metrni tashkil etadi. Inshoot 80 tonnagacha yukni koʻtarish imkoniyatiga ega ekanligi qayd etilmoqda.
«Yangi koʻprik avtotransport vositalarining harakatlanishi bilan birga piyodalar, ayniqsa maktab oʻquvchilarining xavfsiz va qulay oʻtishini taʼminlaydi. Endi kanalning ikki tomonida joylashgan mahallalar va taʼlim muassasalari oʻrtasida xavfsiz va qulay qatnov yoʻlga qoʻyildi», — deyiladi xabarda.
Mazkur koʻprik oʻrnidan yosh bolalarning oʻtishga majbur boʻlayotgani haqidagi xabar ijtimoiy tarmoqlarda 2026 yilning bahorida tarqalgan edi. Shundan soʻng Shavkat Mirziyoyev videoselektor yigʻilishida masala uzoq muddat eʼtiborsiz qoldirilgani va ijtimoiy tarmoqlarda eʼlon qilinganidan keyingina hal qilinganini tanqid qilgandi.