Sanoat xavfsizligini buzganlik uçun javobgarlik kuçaytirilmoqda
Qonunçilik palatasi sanoat xavfsizligi talablarini buzganlik uçun jinoiy va maʼmuriy javobgarlikni kuçaytirişga qaratilgan qonun loyihasini qabul qilib, Senatga yubordi. Hujjat xavfli işlab çiqariş obyektlarida avariyalar va baxtsiz hodisalarning oldini olişga qaratilgan.
Sanoat xavfsizligini buzganlik uchun javobgarlik kuchaytirilmoqda
Majlisda qonun loyihasi ikkinchi o‘qishda moddama-modda ko‘rib chiqildi. Unda sanoat xavfsizligi talablariga rioya etilishini ta’minlash hamda bu yo‘nalishda mas’ul shaxslarning javobgarligini oshirish nazarda tutilgan.
Xususan, Jinoyat kodeksiga sanoat xavfsizligi talablarini buzish oqibatida fuqarolarning hayoti va sog‘lig‘iga zarar yetkazilgan holatlar uchun qat’iyroq javobgarlik choralarini belgilovchi normalar kiritish taklif etilmoqda.
Ma’muriy javobgarlik to‘g‘risidagi kodeksga kiritilayotgan o‘zgartishlar esa mansabdor shaxslarning quyidagi holatlar uchun javobgarligini belgilash va kuchaytirishni ko‘zda tutadi:
- sanoat xavfsizligi talablariga rioya etmaslik;
- xavfli ishlab chiqarish obyektlarida davlat nazoratini tashkil etmaslik;
- avariyalarning oldini olish va ularning oqibatlarini bartaraf etishga tayyorgarlik ko‘rish talablarini bajarmaslik.
Shuningdek, sohadagi islohotlardan kelib chiqib, vakolatli organlarning vazifalari aniqlashtirilmoqda.
Qonun loyihasi uchinchi o‘qishda qabul qilinib, Senatga yuborilgan. Taqdim etilgan axborotda taklif qilinayotgan jazolarning aniq turlari va miqdorlari keltirilmagan.