Rossiyadan Oʻzbekistonga 30 kilogrammdan ortiq radioaktiv qoʻziqorinlarni olib chiqishga urinishdi. Video
Rossiyadan Oʻzbekistonga 30 kilogrammdan ortiq radioaktiv qoʻziqorinlarni olib chiqishga urinishdi. Video
Moskvaning Domodedovo aeroportida bojxonachilar radiatsiya darajasi yuqori boʻlgan 30 kilogrammdan ortiq quritilgan oq qoʻziqorinlarni aniqladilar. Ularni zavod oʻrovida tashiyotgan yoʻlovchi Oʻzbekistonga uchib ketmoqchi boʻlgan. Tovar radioaktiv chiqindi deb topildi va yoʻq qilishga yuborildi.
Rossiya Federal bojxona xizmati xabariga koʻra, vazni 31 kilogramm boʻlgan qutini koʻzdan kechirish chogʻida "Yantar" radioaktiv materiallarni aniqlash tizimi ishlab ketgan. Ichida Rossiyada ishlab chiqarilgan quritilgan qoʻziqorinlar solingan karton paket boʻlgan.
Tekshiruv radiatsiya foni meʼyordan oʻn baravardan koʻproq oshganini koʻrsatdi. Mutaxassislar, shuningdek, xavfli radioaktiv izotop boʻlmish tseziy-137 ni ham aniqladilar.
Maʼlumotlar Rospotrebnadzorga topshirildi. Mahsulot radioaktiv chiqindi deb topildi va koʻmishga yuborildi.
Xavfli partiya aniqlangach, ishlab chiqaruvchiga koʻrsatma berildi. Quritilgan oq qoʻziqorinlarga muvofiqlik deklaratsiyasining amal qilishi tugatildi, u boʻyicha mahsulot chiqarish va keyingi sotuvlar ham toʻxtatildi.
Oldinroq Toshkentda Rossiyadan qalbaki dori-darmonlarni yetkazib berish kanaliga chek qoʻyilgan edi.