Rossiya harbiy byudjetni toʻldirish uchun 1998-yildan beri eng yirik oltin sotuvini oʻtkazdi
«Bank Rossii» ketma-ket oʻninchi oy byudjet taqchilligini qoplash operatsiyalari doirasida oʻz zaxiralaridagi oltinni sotishda davom etmoqda; bu yil ushbu taqchillik dastlabki rejalardan ikki barobar oshib, 7,3 trillion rublni tashkil etadi.
Rossiya harbiy byudjetni toʻldirish maqsadida 1998-yildan beri eng yirik oltin sotuvini amalga oshirdi.
Dekabr oyida Markaziy bank soʻnggi oʻn yilliklardagi eng katta sotuvni boshlaganidan beri uning zaxiralaridagi oltin hajmi 2 million troya unsiyasiga, yaʼni taxminan 62 tonnaga qisqardi.
Shundan soʻng Kreml zaxiralarda faqat oltin jamlab bordi va 1990-yillarning oxiridan buyon oltin zaxirasini besh barobardan ham ko‘proqqa oshirdi. 2022-yil boshiga kelib u 74 million troya unsiyasi yoki 2,3 ming tonnani tashkil etib, hajmi jihatidan dunyoda beshinchi oʻrinda edi.
Sotilgan Rossiya oltinining bir qismi Xitoyga yoʻnalyapti — u joriy yilda Rossiyadan qimmatbaho metall xaridlarini tarixiy rekord darajagacha oshirdi. Xitoy bojxona boshqarmasi maʼlumotlariga koʻra, yanvar-iyul oylarida Honkongga Rossiyada qazib olingan qariyb 100 tonna oltin olib kirilgan — bu oʻtgan yilning shu davriga nisbatan uch barobar koʻp.
Dunyodagi eng yirik London bozori Rossiya oltini uchun eshiklarini yopganidan soʻng, rossiyalik yetkazib beruvchilar eksportni sharqqa burmoqda.