«Real»da yangi triller, «Komo» 9 ta gol urdi va rekord örnatdi
«Real» Gretsiyada jiddiy qarşilikka uçradi, safarda 9 gol urgan kamtarona «Komo» kuçli törtlikka kirib oldi, Holand «Siti»ni qutqarib qoldi, «Liverpul» Turkiyada sobiq futbolçisiga yutqazdi, «Arsenal»da seriya davom etmoqda; Husanov asosiy tarkibda tuşdi va sariq kartoçka işladi, Rahmonalievning golli uzatmasi «Saboh»ga yordam bermadi.
«Real»da yana bir dramatik o‘yin, «Komo» 9 ta gol urib rekord o‘rnatdi
AEK – «Real» 2:3
Gollar:
Koyta, 12 (1:0). Bellinghem, 32 (1:1). Pilios, 75 (2:1). Mbappe, 78 (2:2). Valverde, 90+2 (2:3)
AEK: Brinioli, Mukudi, Relvaş, Pilios, Rota, Kayrinen (Marin, 60), Arriaga, Mayer (Zini, 53), Koyta, Gaçinoviç (Varga, 60), Yoviç (Zubkov, 88)
«Real»: Kurtua, Eder Militau, Ryudiger, Kukurelya (Karreras, 82), Dumfris, Kamavinga, Silva (Valverde, 67), Bellinghem (Espi, 86), Vinisius (Dias, 82), Diomande (Endrik, 67), Mbappe
Ogohlantirishlar: Arriaga, 34 – Kukurelya, 65
«Real» YeÇLning bu mavsumida ikkinchi bor kambek qildi. Joze Mourinio shogirdlari 2-turda «Roma»ga qarshi safar o‘yinida 1:3 hisobini g‘alabaga aylantira olgandi, bu safar esa Gretsiyada AEK bilan o‘yinda 1:2 hisobidan chiqib ketildi.
O‘yinning 12-daqiqasidayoq madridliklarning sobiq hujumchisi Luka Yoviç Abubakari Koytani qulay vaziyatga chiqardi, greklar vingeri Tibo Kurtuaning yaqin burchagini aniq nishonga oldi.
«Real» esa 32-daqiqada Jud Bellinghemning mahorati evaziga hisobni tenglashtirdi. Mark Kukurelyaning uzatmasidan keyin ingliz yarimhimoyachisi turning eng chiroyli goli muallifiga aylandi: u to‘pga tovonida zarba berib, darvoza to‘rini ishg‘ol etdi.
O‘yinning asosiy voqealari so‘nggi 15 daqiqalikda bo‘lib o‘tdi. Avvaliga 75-daqiqada mezbonlar himoyachisi Stavros Pilios hujumga qo‘shildi va Koytaning uzatmasidan keyin to‘pni Kurtuaning oyoqlari orasidan o‘tkazdi – 2:1.
AEK ikkinchi bo‘limda mehmonlar darvozasi tomon to‘g‘ri yo‘llagan yagona zarbasi bilan g‘alabani ilib ketishi mumkin edi. Ammo Mbappe va Valverde «Real»ni sharmandalikdan qutqarib qoldi. 78-daqiqada fransuz hujumchisi Denzel Dumfrisning olis ustun tomon uzatmasiga yetib bordi va muvozanatni tikladi. O‘yinga qo‘shib berilgan daqiqalarda esa Federiko Valverde o‘z uslubida olis masofadan yo‘llagan zarbasi bilan g‘alaba golini urdi – 3:2.
«Real» YeÇLning bu mavsumida guruh bosqichini ideal o‘tkazmoqda: to‘rt o‘yinda to‘rt g‘alaba. Bungacha «Leypsig» (4:1), «Roma» (4:3) va «Inter» (2:1) mag‘lub etilgandi. Mbappe esa har o‘yinda gol urib kelmoqda.