«Real» «Barsa»ga yetib oldi, «Arsenal»da gʻalabali seriya. Kun oʻyinlari
Angliyada «Chelsi» va «Liverpul» ochko yoʻqotdi, «Tottenhem» ketma-ket 4 oʻyinda gol urolmadi, «Arsenal» ketma-ket 4 gʻalabadan keyin turnir jadvalini boshqarmoqda. Ispaniyada «Real» yirik gʻalabaga erishib, vaqtincha «Barselona» bilan tenglashib oldi.
«Real» «Barsa»ga yetib oldi, «Arsenal»da gʻalabali seriya. Kun oʻyinlari
«Real» – «Rayo Valekano» 4:1
Mbappe, 14 – penalti (1:0). Karreras, 17 (2:0). Bellinghem, 35 (3:0). Kamelio, 51 (3:1). Mbappe, 90+1 (4:1)
«Real»: Kurtua, Konate, Ryudiger, Karreras, Dumfris, Valverde (Kamavinga, 46), Bernardu Silva (Tchuameni, 69), Bellinghem, Vinisius Junior (Kukurelya, 89), Diomande (Arda Guler, 72), Mbappe
«Rayo Valekano»: Audero, Siss, Lejen, Pedrosa (Baliu, 86), Ratsyu, Lopes (Sadik, 75), Buare (Valentin, 67), Dias (Belaid, 67), Alvaro Garsiya, Sitaishvili, Kamelio (Alemao, 75)
Ogohlantirish: Siss, 76
«Real» birinchi boʻlimdagi uchta gol evaziga uchrashuv taqdirini hal qilib qoʻydi. Madridliklar uchun bunday sermahsullik joriy mavsumda ikkinchi marta kuzatildi. Joze Mourinio shu kuni ilk bor Diomandeni asosiy tarkibda maydonga tushirdi, biroq maydondagi asosiy ishni tajribali futbolchilar bajarishdi. Karreras avval Mbappe uchun penalti ishlab berdi, keyin esa oʻzi Kilian bilan devor uslubida oʻynab, ikkinchi golni kiritdi. Ikkinchi gol bilan yakunlangan hujumda Vinisius Juniorning faolligi ham hal qiluvchi rol oʻynadi. Bu hujumda uning nomiga golli uzatma yozilmagan boʻlsa-da, biroz oʻtib aynan uning pasidan keyin hisob yanada yiriklashdi. Himoyachilar toʻp jarima maydoni ichidagi Mbappega yetkaziladi deb kutib turgan paytda, Vini uni orqaroqqa — boʻsh qolgan Bellinghemga uzatdi.
«Asalarilar» taslim boʻlishmadi va oxirigacha kurashdi. Pedro Diasning zarbasidan keyin toʻp ustunga borib tegdi, Kamelio esa baribir oʻz maqsadiga erishib, mavsumdagi gollari sonini 6 taga yetkazdi. Ammo mehmonlar bundan ortigʻiga kuch topa olishmadi, oʻyinga qoʻshib berilgan daqiqalarda esa «Real» yana yirik hisobni tikladi. Zaxiradan maydonga tushgan Arda Guler Kilianga toʻpurarlar poygasida Kamelioga yetib olish imkonini berdi.
«Liverpul» – «Fulhem» 0:0
«Liverpul»: Alisson, van Deyk, Jake, Simikas (Kerkez, 46), Arauxo (Frimpong, 72), Soboslai, Gravenberh (Makallister, 60), Virs, Barkolya (Ngumoa, 72), Munios (Gakpo, 60), Isak