Qoraqalpogʻistonlik pedagog "Yil oʻqituvchisi" tanlovidagi gʻalabasi uchun 50 ming dollar oldi
Qoraqalpogʻistonlik pedagog "Yil oʻqituvchisi" tanlovidagi gʻalabasi uchun 50 ming dollar oldi
Qoraqalpogʻistonlik oʻqituvchi Nigora Allambergenova "Yil oʻqituvchisi" respublika tanlovi gʻoliblari qatoridan joy oldi va 50 ming dollar qoʻlga kiritdi. Bu haqda Qonlikoʻl tumanidagi 2-sonli maktab pedagogi Prezident Shavkat Mirziyoyevning hududga tashrifi chogʻida soʻzlab berdi.
Davlat rahbari bilan uchrashuvda u, shuningdek, 2019 yildan buyon texnikum binosida joylashgan Qonlikoʻl tumanidagi 1-sonli maktab joriy yilda Prezidentning toʻgʻridan-toʻgʻri topshirigʻiga asosan rekonstruktsiya qilinganini maʼlum qildi.
Oʻzbekistonda "Yil oʻqituvchisi" tanlovi ilk bor oʻtkazilmoqda va u mamlakat rahbari tashabbusi bilan taʼsis etilgan. Joriy yilda ushbu kasbiy bellashuvda butun respublika boʻylab 46 mingdan ortiq pedagog ishtirok etdi.
Saralash natijalariga koʻra, 208 nafar oʻqituvchi — har bir tuman va shahardan bir nafardan mutaxassis gʻolib deb topildi. Eng yaxshi oʻqituvchilarning har biri 616 million soʻm miqdorida pul mukofoti oladi, bu esa 1 400 bazaviy hisoblash miqdoriga toʻgʻri keladi.