xabarchixabarchiABARCHI
Mahalliy

Qoraqalpogʻistonda yangi gaz-kondensat koni ochildi. Video

Qoraqalpogʻistonda yangi gaz-kondensat koni aniqlandi. Video

Qoraqalpogʻistonning Moʻynoq tumanida yangi «Qoratov» gaz-kondensat koni aniqlandi. Ustyurtning markaziy qismida olib borilgan geologiya-qidiruv ishlari natijasida tabiiy gaz va kondensatning sanoat miqyosidagi oqimi olindi.

Mutaxassislar «Qoratov» maydonidagi birinchi qidiruv qudugʻini 4 860 metr chuqurlikkacha burgʻiladilar. 3 oktyabr kuni 3 213 metrdan 3 273 metrgacha boʻlgan chuqurlikdagi quyi yura yotqiziqlarini sinash jarayonida uglevodorodlarning sanoat miqyosidagi oqimi qayd etildi, bu esa yangi kon ochilganini rasman tasdiqladi.

Zahiralarni aniqlashtirish va tuzilmasini oʻrganish maqsadida yil yakuniga qadar ikkinchi qidiruv qudugʻini burgʻilashni yakunlash, shuningdek, uchinchi va toʻrtinchi qidiruv-razvedka quduqlarini qazishni boshlash rejalashtirilgan.

Olingan natijalar Ustyurt mintaqasidagi chuqur joylashgan qatlamlarni keyinchalik oʻrganish uchun yangi istiqbolli yoʻnalishlarni belgilash imkonini beradi.

Bundan tashqari, Surxondaryo viloyatining Boysun tumanidagi «Mustaqillikning 25 yilligi» gaz konida avariyaviy quduqni tugatish boʻyicha amaliy ishlar boshlandi. Murakkab texnik-texnologik operatsiyalarni amalga oshirish uchun Xitoyning CNPC korporatsiyasi mutaxassislari jalb etilgan.

xabarchi’da cookie fayllari

Til va mavzu tanlovingizni eslab qolish hamda hozir saytni nechta odam o‘qiyotganini sanash uchun cookie fayllaridan foydalanamiz — bu hisob anonim, faqat brauzeringiz ochiq turganda saqlanadi va na siz bilan, na boshqa tashrif bilan bog‘lanmaydi. Ruxsatingiz bilan sayt qanday o‘qilishini ham o‘lchaymiz: Microsoft Clarity sahifa ko‘rishlari va ulardagi harakatlarni yozib boradi, o‘z hisobimiz esa qaytgan o‘quvchilarni sanaydi. Sizni tashriflar orasida taniydigan hech narsa siz qabul qilmaguningizcha o‘lchanmaydi.