Putin Maskni «haqiqatan ham daho» deb atadi
Vladimir Putin Rossiya AQŞ bilan siyosiy ziddiyatlarga qaramay, Ilon Mask va boşqa amerikalik hamkorlar bilan kosmos sohasidagi aloqalarni saqlab kelayotganini bildirdi. U Maskni «haqiqatan ham daho» deb atab, Rossiya past orbitali internet sunʼiy yöldoşlari tizimini rivojlantirayotganini taʼkidladi.
Putin Maskni «haqiqatan ham daho» deb atadi
Rossiya prezidenti Vladimir Putin Moskva va Vashington o‘rtasidagi siyosiy tarangliklarga qaramay, Rossiyaning past orbitali sun’iy yo‘ldoshlar guruhi bo‘yicha SpaceX rahbari Ilon Mask hamda boshqa amerikalik hamkorlar bilan aloqani davom ettirayotganini aytdi.
Putin Maskni «haqiqatan ham daho» inson deb ta’rifladi. U shunday dedi:
«Biz amerikalik hamkorlar, jumladan, janob Mask bilan yaqin aloqadamiz, zero orbitada bir-birimizga xalaqit bermaslik, muayyan intizom va tartibga rioya qilish juda muhim».
Putinning so‘zlariga ko‘ra, Rossiya «barcha siyosiy masalalarga qaramay» bu hamkorlikni qadrlaydi va Starlink’ning muqobilini yaratib borayotganidan faxrlanadi.
Gap Putin Rossiyaning bu sohadagi ilk qadami deb atagan «Rassvet» tizimi haqida ketmoqda. Keng polosali internet uchun mo‘ljallangan ushbu sun’iy yo‘ldoshlar guruhini «Byuro 1440» kompaniyasi ishlab chiqmoqda. Kompaniya dastlabki 16 ta seriyali sun’iy yo‘ldoshni mart oyida, ikkinchi turkumni esa iyulda orbitaga chiqargan edi. Xizmatni tijoriy maqsadda ishga tushirish kelasi yilga rejalashtirilgan bo‘lib, 2035-yilga borib sun’iy yo‘ldoshlar soni 900 tadan oshishi kerak.
Shu oyning boshida Volodimir Zelenskiy Ukraina Qurolli kuchlariga Rossiyaning raketa va dron hujumlarini qaytarishda yordam berayotgan Starlink tarmog‘iga ulanish cheklangani uchun javobgarlikni Mask va Donald Trampning zimmasiga yuklagan edi. Tramp internet tezligini pasaytirishga buyruq berganini rad etdi, Mask esa Ukrainani tarmoqdan dronlar yordamida hujumkor zarbalar berishda foydalangani uchun xizmat qoidalarini buzganlikda aybladi. 24-oktabr kuni Kiev cheklovlar olib tashlanganini ma’lum qildi. The Wall Street Journal ma’lumotlariga ko‘ra, bundan avval Tramp Maskdan ushbu cheklovlarni bekor qilishni so‘ragan.