Ilon Mask vagonda yashayotganini aytdi
Ilon Mask vagonda yashayotganini ma’lum qildi
Amerikalik tadbirkor va milliarder Ilon Mask hozir Tennessi shtatining Memfis shahrida, o‘zining xAI kompaniyasiga tegishli ma’lumotlar markazi qurilishi yaqinidagi Airstream vagonida yashayotganini aytdi.
“Men hozir Memfisda o‘zim yashayotgan qasr, ya’ni Airstream vagonidan aloqaga chiqyapman”, deb hazillashdi Mask All-In Podcast efirida.
Ko‘rsatuvning yana bir ishtirokchisi, SpaceX raisi Gvinn Shotvell ham bu borada fikr bildirdi. U Ilon Mask fabrikada polda uxlayotgani va Memfisda binolar qurilishiga yordam berayotganini ta’kidladi.
Mask u yerda xAI kompaniyasining sun’iy intellekt tizimlarini, jumladan Grok chatbotini o‘qitish va ishlatish uchun mo‘ljallangan Colossus majmuasini kengaytirish jarayonida bo‘lib turibdi. xAI Memfisdagi ushbu markazda sun’iy intellektni o‘qituvchi serverlar va kompyuterlar sonini oshirmoqda. Tizimning bir qismi esa ijara shartnomalari asosida Google va Anthropic kompaniyalariga foydalanish uchun berilgan.
Loyiha ustida jiddiy ishlayotgan paytda ishlab chiqarish yonida yashash Mask uchun ilk holat emas. U avval ham Tesla zavodlarida hamda o‘z kompaniyalarining idoralarida tunab qolganini aytgan edi.
Mask hozir dunyoning eng boy odami hisoblanadi. Forbes nashri 15-sentyabr kuni uning boyligini taxminan 886 milliard dollarga baholagan. Avvalroq Mask insoniyatning qirilib ketish xavfi haqida ogohlantirgandi.