Poytaxtda «Rossiya taʼlimi. Toshkent — 2026» xalqaro taʼlim koʻrgazma-yarmarkasi boʻlib oʻtmoqda | Reportaj
Mana oltinchi yildirki, koʻrgazma Rossiya universitetlari va Oʻzbekistonning boʻlajak abituriyentlarini birlashtirib, ikki mamlakat oʻrtasidagi taʼlim sohasidagi aloqalarni rivojlantirish uchun muhim maydonga aylanib bormoqda. Anʼanaviy tarzda Rossiyada bepul taʼlim olish imkoniyatlariga, jumladan, Rossiya Federatsiyasi Hukumati kvotasi doirasidagi taʼlimga alohida eʼtibor qaratilmoqda. Tantanali ochilish marosimida Rossiya Federatsiyasining […] Favqulodda va Muxtor Elchisi qutlov soʻzi bilan chiqish qildi.
Poytaxtda «Rossiya taʼlimi. Toshkent — 2026» xalqaro taʼlim koʻrgazma-yarmarkasi boʻlib oʻtmoqda | Reportaj
Koʻrgazma ketma-ket oltinchi yildirki, Rossiya universitetlari va Oʻzbekistondan boʻlgan boʻlajak abituriyentlarni birlashtirib, ikki mamlakat oʻrtasidagi taʼlim aloqalarini rivojlantirish uchun muhim maydonga aylanmoqda. Anʼanaga koʻra, Rossiyada bepul taʼlim olish imkoniyatlariga, jumladan, Rossiya Federatsiyasi Hukumati kvotasi doirasidagi taʼlimga alohida eʼtibor qaratilmoqda.
Tantanali ochilish marosimida Rossiya Federatsiyasining Oʻzbekiston Respublikasidagi Favqulodda va Muxtor Elchisi Oleg Yerxov, Abdujabar Abduvaxitov, akademik M.D. Millionshikov nomidagi Grozniy davlat neft texnika universiteti rektori Magomed Mintsayev va Rossotrudnichestvoning Oʻzbekiston Respublikasidagi vakolatxonasi rahbari Irina Staroselskaya qutlov soʻzlari bilan chiqish qildilar.
Koʻrgazmaga faqatgina birinchi kunning oʻzida 3 000 dan ortiq kishi tashrif buyurdi. Bu yil MGIMO-Toshkent maydonida Rossiyaning 22 ta shahridan 40 dan ortiq Rossiya universitetlari taqdim etilgan. Ishtirokchilarning keng geografiyasi Rossiya oliy taʼlimining xilma-xilligini koʻrsatadi: koʻrgazmada mamlakatning turli soha va hududlaridagi universitetlar ishtirok etmoqda.
Ish boshlangan ilk soatlardanoq oliy oʻquv yurtlari stendlari atrofi gavjum boʻldi: tashrif buyuruvchilar universitet vakillari bilan muloqot qilib, oʻqishga kirish, mutaxassislik tanlash va talabalik hayoti haqida savollar berdilar. Koʻpchilik uchun ushbu koʻrgazma kelgusida oʻqishni rejalashtirayotgan universitetlarining oʻzidan bevosita zarur maʼlumotlarni olish imkoniyatiga aylandi.
Koʻrgazma bugun soat 17:00 gacha MGIMO-Toshkent binosida (manzil: Mirzo Ulugʻbek shoh koʻchasi, 47) oʻz ishini davom ettiradi. Soat 15:00 da Rossiya universitetlari vakillari bilan «Ota-onalar majlisi» uchrashuvi kutilmoqda. Uchrashuv MGIMOning Toshkentdagi filiali konferentsiyalar zalida boʻlib oʻtadi. Ota-onalar oliy oʻquv yurtlari vakillariga oʻqishga kirish, taʼlim olish va boʻlajak talabalar uchun yaratilgan imkoniyatlar haqida toʻgʻridan-toʻgʻri savollar berishlari mumkin boʻladi.