Pokiston afgʻonistonlik tibbiyot talabalaridan mamlakatni tark etishni talab qildi

1 soat oldin

Pokiston tibbiyot va stomatologiya oliy oʻquv yurtlarida tahsil olayotgan Afgʻoniston fuqarolariga vatanlariga qaytishni majburiy qilib qoʻydi. Keyingi buyruqqacha afgʻonlarning yangi oʻqishga kirishi, koʻchirilishi va boshqa shakllarda qabul qilinishi ham taqiqlandi.

Oʻquv yurtlariga zarur hujjatlarni rasmiylashtirish va talabalarning chiqib ketishiga koʻmaklashish topshirildi. Shu bilan birga, hujjatda oxirgi kurslarda tahsil olayotganlar uchun istisnolar qilinadimi-yoʻqmi, aniqlik kiritilmagan.

Lahorda ushbu buyruq ikkita tibbiyot oliygohining kamida 43 nafar afgʻonistonlik talabasiga, jumladan 26 nafar ayolga daxl qildi. Ularga 24 soat ichida chiqib ketish hujjatlarini rasmiylashtirish buyurildi. Talaba qizlar uchun Afgʻonistonga qaytish, u yerda ayollar uchun oliy taʼlimga qoʻyilgan taqiq tufayli, amalda oʻqishni toʻxtatishni anglatishi mumkin.

, Afgʻonistonda 2,4 millionga yaqin qiz "Tolibon" harakati tomonidan joriy etilgan cheklovlar tufayli oʻrta taʼlim olish imkoniyatidan mahrum etilgan.