Pentagon va AQSh Sogʻliqni saqlash vazirligi COVID-19 ga qarshi vaktsinalarning harbiylar oʻlimi bilan ehtimoliy bogʻliqligini tekshirishni boshladi

Pentagon va AQSh Sogʻliqni saqlash vazirligi COVID-19 ga qarshi vaktsinalarning harbiylar oʻlimiga ehtimoliy aloqadorligini tekshirishni boshladi

AQShda Jo Bayden maʼmuriyati talabi bilan COVID-19 ga qarshi majburiy vaktsinatsiyadan oʻtgan harbiy xizmatchilar oʻlimi holatlari boʻyicha rasmiy tergov boshlandi. Bu haqda armiya shifokori Tereza Longning Virjiniya federal sudida bergan koʻrsatmalaridan maʼlum boʻldi, deb xabar beradi Politico.

Ish materiallariga koʻra, Long sogʻliqni saqlash vaziri Robert F. Kennedi-kichikning katta harbiy maslahatchisi etib tayinlangan va Pentagon rahbari Pit Xegset bilan yaqindan hamkorlik qilmoqda. Mutaxassislar vaktsinalarning nojoʻya taʼsirlarini hisobga olish tizimiga (VAERS) kiritilgan, amerikalik harbiylar orasida qayd etilgan, ammo hozircha tasdiqlanmagan 2 544 ta oʻlim holatini tekshirmoqda.

Tadqiqotning asosiy eʼtibori ogʻir asoratlar, eng avvalo, mRNK-vaktsinalar bilan bogʻlanadigan miokarditga, yaʼni yurak mushagining yalligʻlanishiga qaratilgan. Tergov, shuningdek, avvalgi hukumat preparatning nojoʻya taʼsirlari haqidagi maʼlumotlarni yashirgan-yashirmaganini aniqlashi kerak. Potentsial xavflar tahlilini bir yil ichida yakunlash rejalashtirilgan.

Shu bilan birga, AQSh Mudofaa vazirligi COVID-19 bilan bogʻliq tiklash va yarashish boʻyicha yangi maqsadli guruh doirasida ish olib bormoqda. Idora Kongress ushbu talabni bekor qilguniga qadar majburiy vaktsinatsiyadan bosh tortgani uchun qurolli kuchlardan boʻshatilgan 9 mingga yaqin harbiy xizmatchining huquqlarini tiklamoqda.

Longning koʻrsatmalari 2021 yilda qoʻshinlarda vaktsinatsiya dasturi ijrosini nazorat qilgan Pentagonning sobiq mulozimi Terri Adirimning daʼvo arizasi boʻyicha sud jarayoni doirasida berilgan.