"Paxtakor" Ortiqxo'jaevning moliyaviy yordamisiz qolishi mumkin.

"Paxtakor" futbol klubi tadbirkor va Toshkentning sobiq meri Jahongir Ortiqxo'jaevning moliyaviy ko'magidan mahrum bo'lish xavfi ostida. Ijtimoiy tarmoqlarda u jamoani moliyalashtirishni to'xtatgani haqida mish-mishlar tarqaldi.

Na "Paxtakor", na Ortiqxo'jaevning o'zi bu masala bo'yicha rasmiy izoh bermadi.

Ortiqxo'jaevning moliyaviy ko'makdan voz kechishi mumkinligi haqidagi xabarlar shanba, 22-avgust kuni Dilshod Karimovning "Paxtakor" vitse-prezidenti lavozimidan iste'foga chiqishi haqidagi xabar bilan birga paydo bo'ldi.

Xabarlarga ko'ra, klubning avvalgi barcha qarzlari to'langan. Biroq, jamoaning kelajakdagi moliyalashtirishini kim o'z zimmasiga olishi va bu uning ichki tuzilishiga qanday ta'sir qilishi haqida hozircha ma'lumot yo'q.

Avvalroq "Paxtakor" va "Neftchi" OChL guruh bosqichidagi raqiblarini aniqlagan edi. Bo'lajak raqiblar qatorida Krishtianu Ronaldu ishtirokidagi Saudiya Arabistonining "Al-Nassr" va "Al-Hilol" klublari, shuningdek, Osiyoning boshqa eng yaxshi futbol chempionliklari sohiblari bor.