«Oʻzkimyosanoat» eksporti toʻqqiz oyda 568 mln dollarga yetdi
«Oʻzkimyosanoat» korxonalari 2026 yilning yanvar-sentyabr oylarida kimyo mahsulotlari eksportini 568 mln dollarga yetkazib, rejani 11% ga oshirib bajardi.
«Oʻzkimyosanoat» eksporti toʻqqiz oyda 568 mln dollarga yetdi
«Oʻzkimyosanoat» aktsiyadorlik jamiyati korxonalari 2026 yilning yanvar–sentyabr oylarida 568 mln dollarlik kimyo mahsulotlarini eksport qildi.
Bu koʻrsatkich tasdiqlangan rejadan 11% ga va oʻtgan yilning shu davridagi natijadan 16% ga yuqori.
Karbamid eng yirik eksport pozitsiyasi boʻldi, uning yetkazib berish hajmi 116,1 mln dollarni tashkil etdi. Ammiakli selitra eksporti 93,5 mln dollarga, kaliy xlorid — 42,3 mln dollarga, superfosfat — 16,4 mln dollarga yetdi.
Bundan tashqari, xorijga 10,3 mln dollarlik past zichlikdagi ammiakli selitra hamda 6,3 mln dollarlik karboksimetiltsellyuloza (KMTs) va polianion tsellyuloza (PATs) yetkazib berildi.
«Oʻzkimyosanoat»da taʼkidlanishicha, korxonalar eksport geografiyasini kengaytirish, tashqi bozorlarda mahsulot raqobatbardoshligini oshirish va yuqori qoʻshilgan qiymatga ega kimyo mahsulotlari yetkazib berishni koʻpaytirishni davom ettirmoqda.