Oʻzbekistonda sukunatni buzganlik uchun jarimalar 8,8 mln soʻmgacha oshiriladi

Oʻzbekistonda sukunatni buzganlik uchun jarimalar 8,8 mln soʻmgacha oshiriladi

Oʻzbekistonda maishiy shovqinga qarshi kurashish talablariga rioya qilmaganlik uchun javobgarlik sezilarli darajada kuchaytirilmoqda. Bu prezident tomonidan 9 sentyabrda imzolangan va 11 dekabrdan kuchga kiradigan qonunda nazarda tutilgan.

Hujjat sukunatga rioya qilish boʻyicha yangi talablarni joriy etishdan tashqari, Maʼmuriy javobgarlik toʻgʻrisidagi kodeksga oʻzgartirishlar kiritadi.

Xususan, MJtKning maishiy shovqinga qarshi kurashish talablarini buzishga oid 192-moddasi yangi tahrirda bayon etildi.

Hozirda tungi vaqtda fuqarolarning osoyishtaligi va normal dam olishini buzish quyidagicha jarimaga sabab boʻladi:

Xuddi shunday huquqbuzarlik bir yil davomida takroran sodir etilganda, jarima fuqarolar uchun BHMning ½ qismini, mansabdor shaxslar uchun esa ½ qismidan 1 baravarigacha (440 ming soʻmgacha) tashkil etadi.

Oʻzgartirishlar kuchga kirgandan soʻng, jarimalar miqdori sezilarli darajada oshadi.

Maishiy shovqinga qarshi kurashish talablarini buzganlik uchun fuqarolar BHMning 3 baravaridan 5 baravarigacha (1,32 mln soʻmdan 2,2 mln soʻmgacha), mansabdor shaxslar esa 10 baravaridan 15 baravarigacha (4,4 mln soʻmdan 6,6 mln soʻmgacha) jarimaga tortiladi.

Agar xuddi shunday huquqbuzarlik bir yil davomida takroran sodir etilsa, jarima miqdori: fuqarolar uchun — BHMning 5 baravaridan 7 baravarigacha (3,08 mln soʻmgacha), mansabdor shaxslar uchun — 15 baravaridan 20 baravarigacha (8,8 mln soʻmgacha) boʻladi.

Shunday qilib, fuqarolar uchun birinchi huquqbuzarlik uchun jarima BHMning 1/3 qismidan BHMning 3−5 baravarigacha, yaʼni taxminan 9−15 barobarga oshadi. Mansabdor shaxslar uchun sanktsiyalar yanada qattiqlashadi.

Oʻzgartirishlar MJtKning 192-moddasida koʻrsatilgan vaqt oraligʻini ham oʻzgartiradi.

Amaldagi soat 23:00 dan 6:00 gacha boʻlgan yagona davr oʻrniga, hafta kunlariga qarab turli soatlar joriy etilmoqda: ish kunlarida — soat 23:00 dan 7:00 gacha, dam olish va ishlanmaydigan bayram kunlarida esa — soat 22:00 dan 9:00 gacha.

Gap fuqarolarning osoyishtaligi va normal dam olishini yoʻl qoʻyiladigan darajadan yuqori shovqin bilan buzish haqida bormoqda.

Alohida ravishda, haddan tashqari shovqin chiqaradigan transport vositalari uchun javobgarlik kuchaytirilmoqda. Hozirda shovqin darajasi belgilangan normalardan ortiq boʻlgan avtomobilni boshqarish MJtKning 125-moddasiga asosan ogohlantirish yoki BHMning 0,5 baravari (220 ming soʻm) miqdorida jarima solishga sabab boʻladi. Qonun kuchga kirgandan soʻng ogohlantirish chiqarib tashlanadi, jarima esa BHMning 1 baravarigacha (440 ming soʻm) oshiriladi.

Vazirlar Mahkamasiga hukumat qarorlarini qonunga muvofiqlashtirish topshirildi. Respublika ijro etuvchi hokimiyat organlari oʻzlarining normativ-huquqiy hujjatlarini qayta koʻrib chiqishlari va unga zid boʻlgan qoidalarni bekor qilishlari kerak.