Oʻzbekiston shaxmat Olimpiadasining birinchi turida Yamayka bilan oʻynaydi. Sindarov uchrashuvni oʻtkazib yuboradi

Oʻzbekiston shaxmat Olimpiadasining birinchi turida Yamayka bilan oʻynaydi. Sindarov uchrashuvni oʻtkazib yuboradi

16 sentyabr kuni Samarqandda 46-Butunjahon shaxmat olimpiadasi bahslari boshlanadi. Oʻzbekistonning birinchi erkaklar terma jamoasi Yamayka bilan, ikkinchisi — Afgʻoniston bilan, uchinchisi — Mali bilan toʻqnash keladi. Ayollar turnirida Oʻzbekiston jamoalarining raqiblari Trinidad va Tobago, Togo hamda Tanzaniya boʻladi.

Birinchi erkaklar terma jamoasi safida start raundida Nodirbek Abdusattorov, Nodirbek Yaqubboyev, Shamsiddin Vohidov va Muhiddin Madaminov doska ortiga oʻtiradi. Javohir Sindarov birinchi uchrashuvni oʻtkazib yuboradi.

Birinchi ayollar jamoasida Gulruhbegim Tohirjonova, Umida Omonova, Nilufarxon Imomqoʻziyeva va Guldona Karimova doskalarga chiqadi. Birinchi tur partiyalari soat 15:00 da boshlanadi.

Oʻzbekistonning birinchi jamoasi Yamayka bilan toʻqnash keladi. Doskalardagi juftliklar:

Oʻzbekiston birinchi va uchinchi doskalarda qora donalarda, ikkinchi va toʻrtinchi doskalarda esa oq donalarda oʻynaydi.

Oʻzbekistonning ikkinchi terma jamoasi Afgʻoniston bilan oʻynaydi:

Uchinchi terma jamoa Mali bilan toʻqnash keladi:

Oʻzbekistonning birinchi ayollar terma jamoasi Trinidad va Tobago bilan toʻqnash keladi:

Ikkinchi ayollar terma jamoasi Togo bilan toʻqnash keladi:

Uchinchi ayollar jamoasi Tanzaniya bilan oʻynaydi:

Ochiq turnirning birinchi turidagi boshqa eʼtiborga molik juftliklar qatorida: Iroq — AQSh, Hindiston — Tailand, Xitoy — Uganda, Farer orollari — Germaniya, Niderlandiya — Gonkong, Marokash — Ozarbayjon va Vengriya — Malta.

Ayollar turnirida Hindiston Dominikan Respublikasi bilan, Tunis — Gruziya bilan, Qozogʻiston — Botsvana bilan, Zambiya — Xitoy bilan, AQSh — Andorra bilan, Iroq — Ukraina bilan, Ozarbayjon — Gvatemala bilan oʻynaydi.

Olimpiada boshlanishidan oldin yetakchi terma jamoalarning qaydnoma tartibi ham maʼlum boʻldi. Hindiston oʻyinchilarni reyting boʻyicha joylashtirdi: birinchi doskaga Rameshbabu Pragnanandxa, keyin — Arjun Erigaysi, Nihal Sarin, oxirgi, toʻrtinchi doskaga esa amaldagi jahon chempioni Gukesh Dommaraju kiritilgan. Vidit Gujrati beshinchi oʻyinchi sifatida koʻrsatilgan.

Oʻzbekiston terma jamoasida kapitan Rustam Qosimjonov, Javohir Sindarovning reytingi biroz yuqoriroq boʻlsa-da, birinchi doskaga Nodirbek Abdusattorovni qoʻydi. Keyingi qaydnoma tartibida Sindarov, Nodirbek Yaqubboyev, Shamsiddin Vohidov va Muhiddin Madaminov joy olgan. Shu bilan birga, Yamaykaga qarshi birinchi turda Sindarov oʻynamaydi.

AQSh oʻyinchilarni Fabiano Karuana, Uesli So, Xans Nimann, Levon Aronyan va Avong Lyan tartibida roʻyxatdan oʻtkazdi. Xitoyda dastlabki besh pozitsiyani Din Lijen, Vey I, Yu Yanʼi, Syuy Syanʼyuy va Kun Syanyuy egalladi.

Samarqanddagi Butunjahon shaxmat Olimpiadasi rekord darajadagi 400 ta jamoani birlashtiradi. Oʻzbekiston uy turniriga favoritlardan biri sifatida yaqinlashmoqda, asosiy raqiblar esa AQSh, Hindiston va Xitoy boʻladi.