O‘zLiDeP tashabbusi bilan eng chekka mahallalardan yangi tadbirkorlar kashf etilmoqda
Xorazmda “Xalq bilan birga” umummilliy dasturi doirasida “Ishbilarmon ayol” tanlovining hududiy respublika bosqichi o‘tkazildi. O‘zbekiston
O‘zLiDeP tashabbusi bilan eng chekka mahallalardan yangi tadbirkorlar aniqlanmoqda
Xorazmda “Xalq bilan birga” umummilliy dasturi doirasida “Ishbilarmon ayol” tanlovining hududiy respublika bosqichi bo‘lib o‘tdi. O‘zbekiston Liberal-demokratik partiyasi tashabbusi bilan tashkil etilgan ushbu tanlov viloyatning 500 dan ortiq mahallasi va tadbirkorlik subyektini qamrab oldi.
Saralash bosqichlarida 3054 nafardan ziyod tadbirkor xotin-qiz qatnashdi. Ular orasidan 13 nafar eng istiqbolli ishbilarmon ayol viloyat bosqichida o‘z biznes loyihalari va faoliyatini namoyish etdi.
Tanlovning muhim jihati — tadbirkorlarni faqat yirik shaharlardan emas, balki mahallalardan ham izlashga alohida e’tibor qaratilgani bo‘ldi. Yangi ish o‘rinlari yaratayotgan, mahalliy mahsulot ishlab chiqarayotgan, eksport qilayotgan yoki qishloq xo‘jaligida yangi yondashuvlarni qo‘llayotgan ayollar saralash jarayonida aniqlangan.
Viloyat bosqichida Xiva shahridagi “Khiva Plaza” MChJ rahbari Lola Mirzayeva birinchi o‘rinni egalladi. Korxonada 150 nafar xodim faoliyat yuritadi. Ikkinchi o‘rin “Shovot-Qumtepa” fermer xo‘jaligi rahbari Oychehra Tohirovaga nasib etdi. Xo‘jalikda shifobaxsh giyohlar yetishtirilmoqda.
Uchinchi o‘rinni “Marjona tekstil” MChJ rahbari Dilafro‘z Bekjanova qo‘lga kiritdi. Korxonada 70 nafar xotin-qiz doimiy ish bilan ta’minlangan. 2025 yilda korxona Rossiyaga 200 ming dollarlik bolalar kiyimlari eksport qilgan.
Xorazmdagi 3054 nafar ishtirokchi esa mahallalarda tadbirkorlik salohiyati qanchalik keng ekanini namoyon etmoqda.