O‘zbekistonliklar 6 oyda sartaroshxona va salonlarga 7 trln so‘m sarfladi
Bunda hududlar kesimida eng yuqori ko‘rsatkich Toshkent shahrida qayd etildi
O‘zbekiston aholisi joriy yilning dastlabki olti oyida sartaroshxona va go‘zallik salonlari xizmatlariga jami 7,03 trillion so‘m sarflagan. Bu ma’lumot Milliy statistika qo‘mitasi tomonidan e’lon qilindi.
Hududlar bo‘yicha tahlil qilinganda, eng ko‘p xarajat Toshkent shahriga to‘g‘ri keladi. Poytaxtda ushbu xizmatlar uchun 1,2 trillion so‘m sarflangan bo‘lib, bu respublika bo‘yicha umumiy ko‘rsatkichning qariyb oltidan bir qismini tashkil etadi.
Keyingi o‘rinlarda Farg‘ona viloyati (986,7 milliard so‘m), Samarqand viloyati (838,7 milliard so‘m), Namangan viloyati (745,5 milliard so‘m) va Toshkent viloyati (729,2 milliard so‘m) joylashgan.
Andijon viloyatida sartaroshxona va go‘zallik salonlari xizmatlari hajmi 461,4 milliard so‘mni tashkil etgan bo‘lsa, Qashqadaryo viloyatida bu ko‘rsatkich 440,1 milliard so‘mga yetgan.
Qoraqalpog‘iston Respublikasida 342,3 milliard so‘m, Xorazm viloyatida 340,4 milliard so‘m va Buxoro viloyatida 240,7 milliard so‘mlik xizmatlar ko‘rsatilgan.
Surxondaryo viloyatida xizmatlar hajmi 234,7 milliard so‘m, Navoiy viloyatida 220,9 milliard so‘m, Jizzax viloyatida 148,1 milliard so‘m va Sirdaryo viloyatida 100,6 milliard so‘mni tashkil etgan.