O‘zbekiston Vengriya bilan chorvachilik sohasida hamkorlikni kengaytiradi
O‘zbekiston va Vengriya chorvachilik sohasida ilmiy hamkorlikni rivojlantirish, naslli qoramollar importi va zamonaviy texnologiyalarni joriy
O‘zbekiston Vengriya bilan chorvachilik yo‘nalishidagi hamkorlikni kengaytiradi
O‘zbekiston va Vengriya chorvachilik sohasida ilmiy hamkorlikni kuchaytirish, naslli qoramollarni import qilish hamda zamonaviy texnologiyalarni tatbiq etish bo‘yicha kelishuvga erishdi.
Qishloq xo‘jaligi vazirligi xabariga ko‘ra, Chorvachilik va parrandachilik ilmiy-tadqiqot institutida Vengriyaning HOLSTEIN assotsiatsiyasi mintaqaviy direktori Tamash Shebyok boshchiligidagi delegatsiya bilan uchrashuv o‘tkazildi.
Muzokaralarda chorvachilik sohasida ilmiy-amaliy hamkorlikni rivojlantirish, ilg‘or tajriba va texnologiyalarni O‘zbekistonda joriy etish masalalari ko‘rib chiqildi.
Xususan, mahalliy qoramol zotlarining genetik pasportini yaratish, Vengriyadan naslli qoramollar importini yo‘lga qo‘yish hamda embrion transplantatsiyasi texnologiyasini joriy etish bo‘yicha kelishuvga erishildi.
Shuningdek, institut mutaxassislarining Vengriyada malaka oshirishini tashkil etish masalasi ham kelishib olindi.
Uchrashuv yakunida tomonlar chorvachilik sohasida xalqaro hamkorlikni rivojlantirishga qaratilgan memorandumni imzoladi.