Onkopatsiyentlar zarur yordamni oʻz vaqtida olishlari kerak — Tibbiy sugʻurta jamgʻarmasi
Onkologik patsiyentlar zarur tibbiy yordamni oʻz vaqtida olishlari kerak, deb bayonot berdi Davlat tibbiy sugʻurtasi jamgʻarmasi. Jamgʻarma Toshkentda davolanish uchun elektron imtiyozli yoʻllanmalar joriy etilganidan keyin yuzaga kelgan qiyinchiliklar boʻyicha patsiyentlarning «Gazeta»da eʼlon qilingan shikoyatlariga shunday munosabat bildirdi.
Onkopatsiyentlar zarur yordamni oʻz vaqtida olishlari kerak — Tibbiy sugʻurta jamgʻarmasi
«Onkologik patsiyentlarga zarur tibbiy yordamni oʻz vaqtida koʻrsatish lozim. Elektron yoʻllanmalar tizimi davolash jarayonini murakkablashtirish uchun emas, balki tibbiy xizmatlarni tashkil etishning belgilangan tartibini, ularni moliyalashtirishning hisobi va shaffofligini taʼminlash uchun joriy etilgan», — deyiladi jamgʻarma bayonotida.
Jamgʻarmada taʼkidlanishicha, u tibbiyot tashkilotlariga amalda koʻrsatilgan tibbiy xizmatlar uchun (davolash yakunlanganidan keyin) tegishli tibbiy hujjatlar, shartnoma shartlari va tasdiqlangan bazoviy narxlar asosida haq toʻlaydi.
«Moliyalashtirishning belgilangan tartibi davolanishni kechiktirishni yoki patsiyentni zarur tibbiy yordamdan mahrum qilishni nazarda tutmaydi», — deya qayd etdi jamgʻarma.