Oleşki aholisini evakuatsiya qiliş yönalişi maʼlum böldi
Rossiya qöşinlari bosib olgan Oleşki şahrining Ukraina nazoratidagi hududga ötişni istagan aholisini Anapa va Belarusning Gomel şahri orqali olib ötiş rejalaştirilmoqda. Dastlabki maʼlumotlarga köra, evakuatsiya 30-oktabr tongida boşlanişi kutilmoqda.
Oleşki aholisi qaysi yo‘nalish bo‘yicha evakuatsiya qilinishi maʼlum bo‘ldi. DW xabariga ko‘ra, bu yo‘nalish o‘t ochishni to‘xtatish haqidagi kelishuvda belgilangan.
Kelishuvga binoan, evakuatsiyadan so‘ng Ukraina nazoratidagi hududga borishni istaganlar avval Rossiyaning Anapa shahriga olib boriladi. Keyin ular Rossiya Mudofaa vazirligi samolyotida Gomelga yetkaziladi va u yerdan Ukrainaga o‘tkaziladi.
Evakuatsiya qilinayotganlarga kimlar hamroh bo‘ladi?
Aholiga Ukraina inson huquqlari bo‘yicha vakili Dmitriy Lubinets, uning idorasidan ikki nafar vakil va ikki ukrainalik jurnalist hamroh bo‘ladi.
Ular bilan birga Belarusga Rossiya ombudsmani Yana Lantratovaning vakillari hamda gumanitar missiyani muvofiqlashtiruvchi guruh aʼzolari ham boradi.
28-oktabr tongida Ukraina va Rossiya ombudsmanlari sulh boshlanganidan buyon o‘tgan 30 soat davomida uni buzish holatlari qayd etilmaganini maʼlum qilgan.
Lubinets tomonlar doimiy aloqada bo‘lib, kelishuvlarning bajarilishini muvofiqlashtirayotganini bildirgan. U gumanitar missiyadagi ishtiroki uchun AQŞning birinchi xonimi Melaniya Trampga ham minnatdorlik izhor qilgan.
Sulh 1-noyabrgacha davom etishi belgilangan
Oleşki atrofida o‘t ochishni to‘xtatish rejimi 27-oktabr kuni Kiev vaqti bilan soat 03:00 da boshlangan. U 1-noyabr soat 22:59 gacha amal qilishi belgilangan.
Shu vaqt ichida oziq-ovqat va dori-darmon keskin yetishmayotgan shaharga gumanitar yordam yetkazish hamda aholini evakuatsiya qilish ko‘zda tutilgan.
Save Ukraine tashkiloti bosh yuristi Miroslava Xarçenko DW bilan suhbatda odamlarni olib chiqishdan avval shaharga olib boruvchi yo‘llarni minalardan tozalash uchun vaqt kerak bo‘lishi mumkinligini aytgan.
Rossiya va Ukraina Oleşkiga muntazam gumanitar yordam yetkazish, sulh tugaganidan keyin esa Xerson viloyatining boshqa aholi punktlaridan ham odamlarni evakuatsiya qilishga kelishgan. Bunday tadbirlarni Melaniya Tramp ko‘magida kamida oyiga bir marta o‘tkazish nazarda tutilgan.