«Old Trafford»ga borgan oʻzbekistonlik va Istanbuldagi gʻalati isteʼfo. Kun oʻyinlari
«MU» 4 ta, «Bavariya» 5 ta gol urdi, «Komo» muxlislarning yoqimtoy jamoasi boʻlishda davom etmoqda.
«Old Trafford»ga yoʻl olgan oʻzbekistonlik va Istanbuldagi gʻalati isteʼfo. Kun oʻyinlari
Kun dramasi Pragada yuz berdi: «Slaviya» «Lans»ga qarshi bahsda ozchilikda qolganiga qaramay, oxirgi daqiqalarda oldinga chiqib olgandi, biroq qoʻshimcha daqiqalarda ikkita gol oʻtkazib yubordi.
«Fenerbahche» bosh murabbiyi esa «Roma» bilan durangdan soʻng muxlislar tanqidi sabab hissiyotga berilib, isteʼfo berdi: futbolchilar hayratda, klub prezidenti uning qaytishini kutmoqda.
«Manchester Yunayted» – «Saboh» 4:0
Kunya, 27 (1:0). Brunu Fernandesh, 42 (2:0). Sheshko, 45 (3:0). Martines, 68 (4:0)
«Manchester Yunayted»: Lammens, Martines, Yoro, Dorgu (Amass, 72), Mazraviy, Tilemans (Maunt, 46), Maynu (Santos, 64), Brunu Fernandesh, Kunya, Mbemo (Leysi, 72), Sheshko (Zirkze, 64)
«Saboh»: Pokatilov, Makkarti, Dashdamirov, Puxach, Zedadka (Almeyda, 75), Lepinitsa, Simich (Du Keyros, 76), Rahmonaliyev (Haybulayev, 71), Nvachukvu (Mbina, 46), Perris (Isayev, 63), Mikkels
Ogohlantirishlar: Dorgu, 62 – Lepinitsa, 67
«Manchester Yunayted» «Saboh»ni osonlik bilan taslim etdi — 4:0. Turnir debyutanti deyarli qarshilik koʻrsatmadi va uchrashuv taqdiri birinchi boʻlimdayoq hal boʻldi.
«Saboh» 27 daqiqa bardosh berdi, shundan keyin saviyadagi tafovut oʻzini koʻrsatdi. Qozogʻistonlik darvozabon Stas Pokatilov Mateus Kunya, Brunu Fernandesh va Benyamin Sheshkodan bittadan gol oʻtkazdi. Uning ikkinchi boʻlimdagi goli esa memlarga sabab boʻldi: jarima maydonidagi tartibsizlik paytida toʻp unga kelib tushdi, ammo darvozabon toʻpni yoʻqotib qoʻydi va Lisandro Martines bir metr masofadan turib darvozani ishgʻol etdi. Bu paytda Joshua Zirkzeye allaqachon vaziyat qoʻldan ketdi deb hisoblab, afsus chekayotgandi.
Oʻsha kuni «Saboh»ning boshlangʻich tarkibida 11 mamlakat vakillari, jumladan, oʻzbekistonlik Umarali Rahmonaliyev ham bor edi (u oʻyinda jamoadoshlaridan alohida ajralib turmadi va ikkinchi boʻlimda almashtirildi). Bu YECHL tarixida turnirdagi debyut oʻyin uchun ilk shunday holat boʻldi. Tarkibdagi yagona ozarboyjonlik — markaziy himoyachi Rahmon Dashdamirov edi. «MU»da ham shu kuni boshlangʻich tarkibda yagona angliyalik futbolchi Maynu tushdi.
«MU» Chempionlar ligasidagi 300-oʻyinini oʻtkazdi va bu bosqichdan oʻtgan birinchi ingliz klubiga aylandi.