Oktyabrdan boshlab Toshkentdan Fargʻona vodiysiga qatnaydigan poyezdlar yangi jadvalga oʻtadi
Oktyabrdan boshlab Toshkent va Fargʻona vodiysi oʻrtasida yangi poyezdlar jadvali amal qila boshlaydi
Oktyabrdan boshlab Toshkent va Fargʻona vodiysi oʻrtasida qatnovchi poyezdlar jadvaliga oʻzgartirishlar kiritiladi. Bir qator elektropoyezdlar, uzoq masofaga qatnovchi va mahalliy yoʻnalishlardagi poyezdlar uchun yangi joʻnash va yetib borish vaqtlari belgilanadi.
Birinchilardan boʻlib № 730/729 «Toshkent – Andijon – Toshkent» elektropoyezdining harakat jadvali oʻzgaradi. 1 oktyabrdan boshlab u Toshkentdan soat 07:20 da joʻnab ketadi va Andijonga soat 11:42 da yetib boradi. Qarama-qarshi yoʻnalishda poyezd soat 15:33 da joʻnab ketadi va Toshkentga soat 19:55 da yetib keladi.
Yoʻnalish boʻylab poyezd Pop, Qoʻqon va Margʻilonda toʻxtab oʻtadi.
Shuningdek, quyidagi poyezdlar jadvali ham yangilanadi:
• № 732 «Toshkent – Andijon»: 1 oktyabrdan boshlab Toshkentdan joʻnash soat 17:50 da, Andijonga yetib borish soat 23:53 da.
• № 731 «Andijon – Toshkent»: 1 oktyabrdan boshlab joʻnash soat 06:50 da, Toshkentga yetib kelish soat 13:07 da.
• № 734/92 «Toshkent – Andijon»: 4 oktyabrdan boshlab joʻnash soat 17:50 da, yetib borish soat 00:34 da. Poyezd Pop, Chust, Toʻraqoʻrgʻon, Namangan va boshqa stantsiyalar orqali harakatlanadi.
• № 733 «Andijon – Toshkent»: 5 oktyabrdan boshlab joʻnash soat 06:03 da, yetib kelish soat 13:07 da.
• № 91 «Andijon – Toshkent»: 6 oktyabrdan boshlab joʻnash soat 18:40 da, yetib kelish soat 01:24 da.
• № 98/94 «Toshkent – Andijon»: 3 oktyabrdan boshlab joʻnash soat 08:10 da, yetib borish soat 14:39 da.
• № 93 «Andijon – Toshkent»: 3 oktyabrdan boshlab joʻnash soat 16:40 da, yetib kelish soat 22:27 da.
• № 95/97 «Andijon – Toshkent»: 1 oktyabrdan boshlab joʻnash soat 17:30 da, yetib kelish soat 00:11 da.
• № 96 «Toshkent – Andijon»: 7 oktyabrdan boshlab joʻnash soat 04:55 da, yetib borish soat 11:30 da.
Oʻzgarishlar Toshkent – Andijon uchastkasidagi uzoq masofaga qatnovchi poyezdlarga ham daxldor boʻladi.
№ 126/125 «Xiva/Urganch – Andijon» poyezdi 1 oktyabrdan boshlab Toshkent-Janubiy vokzalidan soat 06:18 da joʻnab ketadi va Andijonga soat 12:59 da yetib boradi. Qarama-qarshi yoʻnalishda № 125/126 poyezdi 1 oktyabrdan boshlab Andijondan soat 15:50 da joʻnab ketadi va Toshkent-Janubiy vokzaliga soat 21:45 da yetib keladi.
№ 127/128 «Andijon – Qoʻngʻirot» poyezdi 3 oktyabrdan boshlab Andijondan soat 17:30 da joʻnab ketadi va Toshkent-Janubiy vokzaliga soat 00:11 da yetib keladi. Qarama-qarshi yoʻnalishda № 128/127 poyezdi 2 oktyabrdan boshlab Toshkentdan soat 06:18 da joʻnab ketadi va Andijonga soat 14:01 da yetib boradi.
Shuningdek, № 129/130 «Andijon – Termiz» va № 130/129 «Termiz – Andijon» poyezdlari jadvali ham oʻzgaradi. Birinchisi 2 oktyabrdan boshlab Andijondan soat 16:40 da joʻnab ketadi va Toshkent-Janubiy vokzaliga soat 22:27 da yetib keladi. Qaytish poyezdi 1 oktyabrdan boshlab Toshkent-Janubiy vokzalidan soat 08:10 da joʻnab ketadi va Andijonga soat 14:03 da yetib boradi.
Mahalliy poyezdlarning ham yangi jadvali joriy etiladi:
1 oktyabrdan boshlab № 6312 «Qoʻqon – Andijon» poyezdi soat 06:05 da joʻnab ketadi va soat 08:46 da yetib boradi.
№ 7091 «Qoʻqon – Namangan – Andijon – Qoʻqon» poyezdi 1 oktyabrdan boshlab Qoʻqondan soat 05:10 da joʻnab ketadi, Namanganga soat 07:31 da va Andijonga soat 10:53 da yetib boradi. Ortga esa Andijondan soat 11:00 da joʻnab ketadi va Qoʻqonga soat 13:43 da yetib keladi.
«Oʻztemiryoʻlovchi» yoʻlovchilardan safarlarni rejalashtirishda yangi jadvallarni hisobga olishlarini soʻraydi.