Toshkent-Andijon yo‘nalishidagi yangi tezyurar elektropoyezd 10-sentabrdan qatnaydi (jadval)
10-sentabrdan Toshkent-Andijon yo‘nalishida zamonaviy CRRC-Dalian tezyurar elektropoyezdi qatnay boshlaydi. Poyezd Toshkentdan 09:20 da chiqib, Andijonga 13:35 da yetib boradi. Shuningdek, Andijon yo‘nalishidagi qator poyezdlarning harakat jadvali ham yangilanadi.
Toshkent-Andijon yo‘nalishida yangi tezyurar elektropoyezd 10-sentabrdan qatnay boshlaydi (jadval)
10-sentabrdan 730/729-sonli Toshkent-Andijon-Toshkent yo‘nalishida amaldagi tarkib o‘rniga zamonaviy CRRC-Daliyan tezyurar elektropoyezdi qatnovi yo‘lga qo‘yiladi.
730-sonli Toshkent-Andijon poyezdi Toshkent markaziy temiryo‘l vokzalidan soat 09:20 da jo‘nab, Angrenga 10:25, Popga 12:00, Qo‘qonga 12:28, Marg‘ilonga 13:00 da yetib boradi va Andijonga 13:35 da kirib keladi. 729-sonli Andijon — Toshkent poyezdi esa Andijondan 15:38 da yo‘lga chiqib, Marg‘ilonga 16:11, Qo‘qonga 16:43, Popga 17:11, Angrenga 18:50 da yetib, Toshkent-Yo‘lovchi vokzaliga 19:53 da keladi.
Taqqoslash uchun, hozirda shaharlar orasidagi poyezd safari 6 soatdan 7 soatgacha davom etadi. Poyezd taxminan soatiga 160 km tezlikkacha chiqishi mumkin.
Elektropoyezd 4 ta vagondan iborat bo‘lib, ularda jami 357 ta o‘rin mavjud: 1-, 2- va 4-ekonom vagonlarning har birida 95 tadan, 3-ekonom vagonda 72 ta o‘rin bor.
Shu bilan birga, 10-sentabrdan boshlab Andijon yo‘nalishida qatnaydigan bir qator yo‘lovchi poyezdlarining jadvali ham yangilanadi.
Jumladan, 91-sonli Andijon-Toshkent poyezdi 15-sentabrdan Andijondan 18:40 da jo‘nab, Toshkentga 01:31 da yetib boradi. 92-sonli Toshkent-Andijon poyezdi 14-sentabrdan Toshkentdan 17:50 da chiqib, Andijonga 00:36 da yetadi.
93-sonli Andijon-Toshkent poyezdi 12-sentabrdan 16:35 da yo‘lga chiqib, Toshkentga 22:31 da yetib keladi. 97/95-sonli poyezd 10-sentabrdan Andijondan 17:30 da jo‘nab, Toshkentga 00:27 da yetib boradi. 96-sonli Toshkent-Andijon poyezdi esa 04:55 da jo‘nab, Andijonga 11:43 da yetib keladi. 98/94-sonli poyezd Toshkentdan 07:14 da chiqib, Andijonga 13:48 da yetadi.
Shuningdek, uzoq masofaga qatnaydigan poyezdlar harakat jadvalida ham o‘zgarishlar bo‘ladi.
126/125-sonli Xiva/Urganch-Andijon poyezdi 9-sentabrdan yangilangan jadval asosida harakatlanib, Toshkent-Janubiydan 05:58 da chiqadi va Andijonga 12:13 da yetib boradi. Qaytish yo‘nalishidagi 125/126-sonli poyezd 10-sentabrdan Andijondan 15:45 da jo‘nab, Toshkent-Janubiyga 21:48 da yetadi.
127/128-sonli Andijon-Qo‘ng‘irot poyezdi 10-sentabrdan Andijondan 17:30 da chiqib, Toshkent-Janubiyga 00:27 da keladi. Qo‘ng‘irot-Andijon yo‘nalishidagi 128/127-sonli poyezd esa Toshkent-Janubiydan 05:58 da jo‘nab, Andijonga 13:14 da yetadi.
129/130-sonli Andijon-Termiz poyezdi 10-sentabrdan Andijondan 16:35 da chiqib, Toshkent-Janubiyga 22:31 da yetib keladi. 130/129-sonli Termiz-Andijon poyezdi 9-sentabrdan yangilangan jadval asosida harakatlanib, Toshkent-Janubiydan 07:14 da jo‘naydi va Andijonga 13:15 da yetadi.
Andijon-Toshkent yo‘nalishidagi 731-sonli poyezd 10-sentabrdan 06:35 da jo‘nab, Toshkentga 13:15 da yetib boradi. 732-sonli Toshkent-Andijon poyezdi 17:50 da jo‘nab, Andijonga 23:58 da yetib keladi. 733-sonli poyezd 14-sentabrdan Andijondan 05:50 da chiqib, Toshkentga 13:15 da yetadi. 734-sonli poyezd esa 13-sentabrdan Toshkentdan 17:50 da jo‘nab, Andijonga 00:36 da yetib boradi.
Viloyatlararo qatnovlarda ham yangi jadval joriy etiladi. 6312-sonli Qo‘qon-Andijon poyezdi 10-sentabrdan Qo‘qondan 06:05 da chiqib, Andijonga 08:44 da yetadi. 6313-sonli Andijon-Qo‘qon poyezdi esa 17:08 da jo‘nab, Qo‘qonga 19:45 da keladi.
7091-sonli Qo‘qon-Namangan-Andijon-Qo‘qon poyezdi Qo‘qondan 05:30 da yo‘lga chiqib, Namanganga 07:51, Andijonga 10:40 da yetadi va Qo‘qonga 13:42 da qaytib keladi. 7093-sonli Qo‘qon-Namangan poyezdi 14:15—16:36, 7094-sonli Namangan-Qo‘qon poyezdi esa 17:00—19:16 oralig‘ida harakatlanadi.
Yo‘lovchilarga safar oldidan poyezdlarning yangilangan harakat jadvali bilan tanishib olish tavsiya etildi.