Octobank III chorak yakunlarini sarhisob qildi: foyda 57,5 %ga oʻsdi, yangi raqamli toʻlovlar va 16 xil valyutada hisob-kitoblar yoʻlga qoʻyildi
2026-yilning III choragida Octobank kredit mahsulotlari qatorini kengaytirdi, internet-ekvayring boʻyicha hamkorlar uchun Apple Pay va Google Pay toʻlovlarini yoʻlga qoʻydi hamda korporativ mijozlarning xalqaro hisob-kitoblar boʻyicha imkoniyatlarini 16 ta valyutaga oshirdi.
Octobank III chorak yakunlarini sarhisob qildi: foyda 57,5 %ga oshdi, yangi raqamli toʻlovlar va 16 xil valyutada hisob-kitoblar yoʻlga qoʻyildi
**Moliyaviy oʻsish raqamlarda**
2026-yilning yanvar-sentabr oylarida Octobank foydasi 266,36 mlrd soʻmni tashkil etdi, bu oʻtgan yilning shu davriga nisbatan 57,53% ga koʻp.
1-oktabr holatiga koʻra, aktivlar oʻtgan yilning shu davriga nisbatan 178,87 %ga oshib, 14,62 trln soʻmga yetdi. Kredit portfeli 104,56%ga oshib, 832,68 mlrd soʻmni, xususiy kapital 38,93%ga oshib, 1,30 trln soʻmni tashkil etdi. Majburiyatlar hajmi 4,31 trln soʻmdan 13,32 trln soʻmgacha oshdi - oʻsish 209,21 %. Kapital rentabelligi (ROE) 27,4%, ustav kapitali 500 mlrd soʻmni tashkil etdi.
Sof foizli daromad 439,39 mlrd soʻmga yetdi, mijozlar bazasi 3,66 mln kishidan oshdi, xodimlar soni esa 487 kishini tashkil etdi.
**Mijozlar uchun yangi bank mahsulotlari va zamonaviy toʻlov yechimlari**
III chorakda Octobank uchta kredit dasturini taqdim etdi: uy-joy sotib olish uchun «Ipoteka», yangi avtomobillar uchun «Avtokredit 1.0» va ishlatilgan avtomobillar uchun «Avtokredit 2.0» dasturlari.