Oʻzbekistonning turistik salohiyati Malayziyadagi koʻrgazmada taqdim etildi
2026 yilning 4-6 sentyabr kunlari Kuala-Lumpurda Malayziyaning eng yirik turistik koʻrgazmalaridan biri — MATTA Fair boʻlib oʻtmoqda. Unda mamlakatimiz diplomatik vakolatxonasi koʻmagida Turizm qoʻmitasi va «Milliy PR-markazi» DUK tomonidan tashkil etilgan Oʻzbekiston milliy stendi ishtirok etmoqda. Ushbu keng koʻlamli tadbir 4 556 ta stendni qamrab olgan boʻlib, unga 100 mingga yaqin tashrif buyuruvchilar kelishi kutilmoqda. Oʻzbekiston stendida oʻz imkoniyatlarini […]
Oʻzbekistonning turistik salohiyati Malayziyadagi koʻrgazmada taqdim etildi
2026 yilning 4-6 sentyabr kunlari Kuala-Lumpurda Malayziyaning eng yirik turistik koʻrgazmalaridan biri — MATTA Fair boʻlib oʻtmoqda. Unda mamlakatimiz diplomatik vakolatxonasi koʻmagida Turizm qoʻmitasi va «Milliy PR-markazi» DUK tomonidan tashkil etilgan Oʻzbekiston milliy stendi ishtirok etmoqda.
Ushbu keng koʻlamli tadbir 4 556 ta stendni birlashtirgan boʻlib, unga 100 mingga yaqin tashrif buyuruvchi kelishi kutilmoqda. Oʻzbekiston stendida «Uzbekistan Airways» aviakompaniyasi, Qashqadaryo viloyati turizm boshqarmasi, shuningdek, «Tour Link», «Central Asia Voyage», «Ons Travels», «Orient MICE» va «East Asia Point» kabi yetakchi turoperatorlar oʻz imkoniyatlarini namoyish etmoqda.
Taqdimotning asosiy eʼtibori ziyorat turizmiga, jumladan, muqaddas qadamjolarni ziyorat qilishni madaniy va gastronomik yoʻnalishlar bilan birlashtirgan «Umra plyus» dasturiga qaratildi. Koʻrgazma doirasida mahalliy mutaxassislar sayyohlar oqimini oshirish va xalqaro bozorga yangi mahsulotlarni olib chiqish maqsadida xorijiy hamkorlar bilan B2B uchrashuvlar oʻtkazmoqda. Qashqadaryo viloyatining tarixiy-madaniy va tabiiy salohiyati taqdimotidan tashqari, mehmonlarda oʻzbek palovining degustatsiyasi alohida qiziqish uygʻotdi va bu milliy gastronomik anʼanalarni yaqqol namoyish etdi. MATTA Fair koʻrgazmasidagi ishtirok Oʻzbekistonning jozibador turistik yoʻnalish sifatidagi nufuzini mustahkamlash va Janubi-Sharqiy Osiyo mamlakatlari bilan aloqalarni kengaytirishga qaratilgan.