Oʻzbekistonlik sportchi Bishkekda oʻtkazilgan parashaxmat boʻyicha turnirda oltin medalni qoʻlga kiritdi va Osiyo chempioni boʻldi

Oʻzbekistonlik sportchi Bishkekdagi parashaxmat boʻyicha turnirda oltin medalni qoʻlga kiritdi va Osiyo chempioni boʻldi

Oʻzbekiston terma jamoasi vakili Ahadxon Kimsanboyev parashaxmat boʻyicha Osiyo chempionatining oltin medalini qoʻlga kiritdi. Sportchi Bishkekda (Qirgʻiziston) oʻtkazilayotgan rapid boʻyicha musobaqalarda birinchi oʻrinni egalladi.

Toʻrtinchi parashaxmat boʻyicha Osiyo chempionatida Kimsanboyev ajoyib natija koʻrsatib, mumkin boʻlgan besh ochkodan 4,5 ochko jamgʻardi.

Besh tur yakunlariga koʻra, oʻzbekistonlik shaxmatchi raqiblarini ortda qoldirib, rapid yoʻnalishida turnir gʻolibiga aylandi.

Bu Kimsanboyev uchun birinchi yirik muvaffaqiyat emas: avvalroq u Bolgariyaning Sofiya shahrida koʻzi ojiz va zaif koʻruvchi sportchilar oʻrtasida oʻtkazilgan IBSA shaxmat turnirida jahon chempioni boʻlgan edi.