Oʻzbekistonga xorijda vasiyliksiz qolgan 11 nafar bola qaytarildi
Oʻtgan hafta davomida xorijda ota-onasi qaramogʻisiz qolgan 11 nafar voyaga yetmagan bola Oʻzbekistonga qaytarildi: ularning toʻqqiz nafari Rossiyadan va ikki nafari Qozogʻistondan.
Oʻzbekistonga oʻtgan hafta davomida xorijda ota-onasi qaramogʻisiz qolgan 11 nafar voyaga yetmagan fuqaro qaytarildi. Toʻqqiz nafar bola Rossiya Federatsiyasidan, yana ikki nafari esa Qozogʻistondan olib kelindi. Bu haqda Milliy ijtimoiy himoya agentligi xabar bermoqda.
Bolalarni qaytarish bilan Ichki ishlar vazirligi, Sogʻliqni saqlash vazirligi va Oʻzbekiston Prezidenti huzuridagi Milliy ijtimoiy himoya agentligi xodimlaridan iborat ishchi guruh shugʻullandi.
Ishlar Bolalar ombudsmani koʻmagida hamda tegishli xorijiy davlatlarning vakolatli organlari bilan hamkorlikda amalga oshirildi.
Oʻzbekistonga qaytarilganidan soʻng, voyaga yetmaganlarning huquqlari va qonuniy manfaatlarini taʼminlash uchun zarur choralar koʻrilmoqda. Xususan, saʼy-harakatlar bolalarni oilaviy muhitga qaytarish, shuningdek, ularga zarur ijtimoiy xizmatlar va yordam koʻrsatishga qaratilgan.
Qaytarilgan voyaga yetmaganlarning keyingi ahvoli va ularning oilaga moslashishi bolalarning yashash joyidagi «Inson» ijtimoiy xizmatlar markazlari tomonidan ijtimoiy kuzatuvga olinadi.