Oʻzbekistonda yosh tadbirkorlarga kreditlar berish qoidalari yangilandi
Oʻzbekistonda yosh tadbirkorlarni moliyaviy qoʻllab-quvvatlash kengaytirilmoqda. Yangi qoidalarda biznes-loyihalar uchun kreditlar, qarzlar va xarajatlarning bir qismini qoplash koʻzda tutilgan. Bu haqda Norma.uz xabar bermoqda. Vazirlar Mahkamasi 2026 yil 30 oktyabrdagi 598-sonli qarori bilan oʻzgartirishlarni tasdiqladi. Hujjat oʻsha kunning oʻzida kuchga kirdi. Endilikda Yoshlar ishlari agentligi huzuridagi Yoshlar tadbirkorligini rivojlantirish davlat maqsadli jamgʻarmasi moliyalashtiradi […]
Oʻzbekistonda yosh tadbirkorlarga kreditlar berish tartibi qayta koʻrib chiqildi
Oʻzbekistonda yosh tadbirkorlarni moliyaviy qoʻllab-quvvatlash choralari kengaytirilmoqda. Yangi qoidalar biznes-loyihalar uchun kreditlar, qarzlar va xarajatlarning bir qismini qoplab berishni nazarda tutadi.
Vazirlar Mahkamasi oʻzgarishlarni 2026 yil 30 oktyabrdagi 598-sonli qarori bilan tasdiqladi. Hujjat oʻsha kunning oʻzida kuchga kirdi.
Endilikda Yoshlar ishlari agentligi huzuridagi Yoshlar tadbirkorligini rivojlantirish davlat maqsadli jamgʻarmasi loyihalarni yangilangan qoidalar boʻyicha moliyalashtiradi. Jamgʻarma tijorat banklari orqali kreditlar ajratishi va qarzlar berishi mumkin boʻladi. Bundan tashqari, u loyihalarni amalga oshirish xarajatlarining bir qismini qoplaydi.
Yangi qoidalar qoʻllab-quvvatlash dasturlariga, jumladan «Kombinator»ga ham tatbiq etiladi. Bundan tashqari, jamgʻarma axborot texnologiyalari va kompyuter dasturlash sohasida yosh mutaxassislarni tayyorlashni moliyalashtirishda davom etadi. Ularning startaplari va biznes-loyihalari ham qoʻllab-quvvatlanishi mumkin.
Oʻzgarishlar Vazirlar Mahkamasining 2021 yil 31 avgustdagi 556-son va 2025 yil 10 iyuldagi 426-son qarorlariga kiritildi.