Oʻzbekistonda turistlar uchun tana soqchilari xizmatini joriy etish istagidalar

Oʻzbekistonda turistlar uchun qoʻriqchilar xizmatini joriy etish rejalashtirilmoqda

Oʻzbekistonda turistlar uchun qoʻriqlash xizmatlari roʻyxatini kengaytirish, jumladan, xorijlik mehmonlar, rasmiy delegatsiyalar va biznes vakillariga tana soqchilari (teloxranitel) hamrohligini taklif etish koʻzda tutilmoqda.

Idoralar turistlar xavfsizligini taʼminlash boʻyicha yangi chora-tadbirlarni birgalikda tayyorlashga kelishib oldilar.

Gap mehmonlar oqimi katta boʻlgan yoʻnalishlarda, tarixiy va madaniy obʼyektlarda, mehmonxonalar va dam olish maskanlarida xavfsizlikni taʼminlash haqida bormoqda. Qoʻriqlash departamenti, shuningdek, xavf-xatarlarni oldindan baholash, yoʻnalish boʻylab xavfsizlikni tashkil etish va favqulodda vaziyatlarda tezkor chora koʻrishni nazarda tutuvchi xizmatlarning yangi formatlarini taqdim etdi.

Bundan tashqari, turistik obʼyektlarda videokuzatuv tizimlari, texnik qoʻriqlash vositalari va tezkor harakat qiluvchi guruhlardan faolroq foydalanish rejalashtirilmoqda. Ayrim turistik yoʻnalishlar uchun manzilli xavfsizlik dasturlarini ishlab chiqish koʻzda tutilgan.

Qoʻriqlash departamenti turistlar xavfsizligi nafaqat alohida obʼyektlarda, balki butun sayohat davomida — mamlakatga kirib kelgan paytdan boshlab to uni tark etgunga qadar taʼminlanishi kerakligini taʼkidladi.

Shuningdek, 2026 yilning yanvardan avgust oyigacha Oʻzbekistonga toʻqqiz milliondan ortiq xorijlik turist tashrif buyurgani — bu oʻtgan yilning shu davriga nisbatan 21,1 foizga koʻp ekani xabar qilinmoqda. Eng katta oʻsish Xitoy, Malayziya va Yaponiyadan kelgan turistik oqimlarda kuzatildi.