Oʻzbekistonda suyultirilgan gaz narxi va muhtoj oilalar uchun kompensatsiyalar belgilandi
15 noyabrdan boshlab Oʻzbekiston aholisi suyultirilgan gazning bir kilogrammi uchun 5 ming soʻmdan toʻlaydi. Bunda ayrim toifadagi oilalarga xarajatlarning bir qismi davlat tomonidan kompensatsiya qilinadi. Maksimal toʻlov oyiga 60 ming soʻmni tashkil etadi. Yangi qoidalar Vazirlar Mahkamasining 31 oktyabrdagi 601 va 602-sonli qarorlari bilan tasdiqlandi. Kimlar kompensatsiya olishi mumkin Davlat 3 ming soʻmdan qaytaradi [...]
Oʻzbekistonda suyultirilgan gaz narxi va muhtoj oilalar uchun kompensatsiya miqdori belgilandi
15 noyabrdan boshlab Oʻzbekiston aholisi bir kilogramm suyultirilgan gaz uchun 5 ming soʻmdan toʻlaydi. Bunda davlat ayrim toifadagi oilalarga xarajatlarning bir qismini qoplab beradi. Toʻlovning maksimal miqdori oyiga 60 ming soʻmni tashkil etadi.
Yangi qoidalar Vazirlar Mahkamasining 31 oktyabrdagi 601-son va 602-son qarorlari bilan tasdiqlandi.
### Kimlar kompensatsiya olishi mumkin
Davlat sotib olingan gazning har bir kilogrammi uchun 3 ming soʻmdan qaytaradi. Kompensatsiya oyiga maksimal 20 kg uchun beriladi.
Toʻlovni Ijtimoiy reyestrga kiritilgan oilalar olishi mumkin boʻladi. Shuningdek, reyestr mezonlariga mos keladigan, ammo hali unga kiritilmagan xonadonlar ham kompensatsiya olish huquqiga ega boʻladi. Bunda bir kishiga toʻgʻri keladigan oʻrtacha oylik daromad minimal isteʼmol xarajatlarining ikki baravaridan oshmasligi kerak.
Oluvchilar qatoriga yetim bolalar yoki ota-ona qaramogʻidan mahrum boʻlgan bolalar yashaydigan oilalar ham kiradi. Kompensatsiya 2030 yil 1 yanvargacha toʻlanadi.
Toʻlovni rasmiylashtirish uchun Davlat xizmatlari markaziga murojaat qilish, YAIDXPdan foydalanish yoki «Inson» ijtimoiy xizmatlar markazi orqali ariza topshirish mumkin.
### Gaz yetkazib berish xarajatlari qanday qoplanadi
602-sonli qarorda Davlat byudjetidan subsidiyalar ajratilishi ham nazarda tutilgan. Ular aholiga suyultirilgan gaz yetkazib berish boʻyicha iqtisodiy asoslangan xarajatlarni qoplaydi.
LPG-Trade tomonidan bir kilogramm gazni yetkazib berish xizmati qiymati QQS bilan birga 1 300 soʻm darajasida belgilandi.
Eslatib oʻtamiz, 2026/2027 yillar isitish mavsumida ayrim muhtoj oilalarga 1 mln soʻm miqdorida bir martalik yordam puli ham toʻlanadi. Avvalroq toʻlovlarni 30 noyabrgacha yakunlash rejalashtirilayotgani haqida xabar berilgan edi.