Oʻzbekistonda qish oldidan kommunal muammolar boʻyicha shikoyatlar uchun kanallar ishga tushirildi
Oʻzbekiston aholisi kuz-qish mavsumiga tayyorgarlikdagi muammolar haqida @Kommunalmurojaat_bot Telegram-boti va vazir oʻrinbosari Ozoda Joʻrayevaning rasmiy Telegram-kanalidagi sharhlar orqali xabar berishlari mumkin. Murojaatlarni Qurilish va uy-joy kommunal xoʻjaligi vazirligining ishchi guruhi koʻrib chiqadi. Bu haqda vazirlik axborot xizmati rahbari Saidnosir Usmonov OAV uchun kontent tayyorlash markazidagi brifingda maʼlum qildi. Issiq boʻlmagan mavsum boshlanishiga qadar mamlakatda 6 […]
Oʻzbekistonda qish oldidan kommunal muammolar boʻyicha murojaatlar uchun kanallar ishga tushirildi
Murojaatlarni Qurilish va uy-joy kommunal xoʻjaligi vazirligining ishchi guruhi koʻrib chiqadi. Bu haqda OAV uchun kontent tayyorlash markazida oʻtkazilgan brifingda vazirlik axborot xizmati rahbari Saidnosir Usmonov maʼlum qildi.
Sovuq mavsum boshlanishiga qadar mamlakatda 6 686 ta koʻp qavatli uy taʼmirlandi. Ushbu ishlarga boshqaruv tashkilotlari tomonidan 243,7 mlrd soʻm yoʻnaltirildi. Xususan, 1 145 ta tom, 6 692 ta kirish yoʻlagi (podʼyezd) va 850 ta yordamchi yertoʻla taʼmirlandi.
Bundan tashqari, mutaxassislar tomonidan 188 km ga yaqin ichimlik suvi tarmoqlari va 616 ta nasos agregati mukammal yangilandi. Issiqlik taʼminoti tizimida 36 ta qozon va 16,5 km issiqlik tarmoqlari taʼmirlandi.
Avariyalarni jadal bartaraf etish uchun 105 ta avariya-tiklash brigadasi shakllantirildi va 116 birlik maxsus texnika tayyorlandi. shuningdek, 18 ming tonnadan ortiq yonilgʻi zaxirasi yaratildi.
587 ta koʻp qavatli uyda ichki issiqlik tizimlari oʻrnatilib, 29 mingga yaqin xonadon qamrab olindi. yana 675 ta uyning 609 ming kvadrat metr fasad qismi issiqlikni saqlovchi izolyatsiya materiallari bilan qoplandi.
Murojaatlarni qabul qilish uchun dispetcherlik xizmatlari kechayu kunduz ishlamoqda. «Mening uyim» billing tizimining 740 nafar operatori va dispetcherlik xizmatlarining 262 nafar xodimi tayyorgarlikdan oʻtdi.