Oʻzbekistonda grant mablagʻlarining yarmi raqamli taʼlimga yoʻnaltiriladi
2026 yilda jalb qilingan grant mablagʻlarining yarmi Oʻzbekistondagi raqamli taʼlimga yoʻnaltiriladi. Bu haqda prezident Shavkat Mirziyoyevga raqamli taʼlim ekotizimini rivojlantirish boʻyicha oʻtkazilgan taqdimot yakunlariga koʻra maʼlum qilindi. Oʻtgan yili ushbu maqsadlar uchun 22 million dollar grant jalb qilingan edi. 2026 yil oxiriga borib bu koʻrsatkichni 60 million dollarga, 2030 yilga kelib esa 100 million dollarga yetkazish rejalashtirilmoqda. […]
Oʻzbekistonda grant mablagʻlarining yarmi raqamli taʼlimga yoʻnaltiriladi
2026 yilda jalb qilinadigan grant mablagʻlarining yarmi Oʻzbekistonda raqamli taʼlimga yoʻnaltiriladi. Bu haqda prezident Shavkat Mirziyoyevga raqamli taʼlim ekotizimini rivojlantirishga bagʻishlab oʻtkazilgan taqdimot yakunlari boʻyicha maʼlum qilindi.
Oʻtgan yili ushbu maqsadlar uchun 22 million dollarlik grantlar jalb qilingan edi. 2026 yil oxiriga kelib ushbu koʻrsatkichni 60 million dollarga, 2030 yilga borib esa 100 million dollarga yetkazish rejalashtirilmoqda.
Mablagʻlarning ikkinchi yarmi malaka oshirish, olis hududlarda raqamli taʼlim markazlarini tashkil etish va ularni zamonaviy uskunalar bilan jihozlashga yoʻnaltiriladi. Ushbu markazlarda sunʼiy intellekt, robototexnika va dasturlash oʻrgatiladi.
Raqamli taʼlimni rivojlantirish iqtisodiyotning yangi yoʻnalishlari uchun mutaxassislar tayyorlashga xizmat qilishi kerak. 2030 yilgacha 5,5 million yoshlarni oʻqitish rejalashtirilmoqda. Har yili 1 million kishini robototexnika, kompyuter oʻyinlarini ishlab chiqish, startaplar va boshqa istiqbolli yoʻnalishlarga oʻqitish koʻzda tutilgan.
IT sohasida 300 mingta ish oʻrni yaratish boʻyicha 2030 yilga qoʻyilgan maqsadga 2026 yildayoq erishildi. Yendilikda raqamli iqtisodiyotning yangi yoʻnalishlarini rivojlantirish hisobiga 2030 yilgacha yana 500 mingta ish oʻrni yaratish vazifasi turibdi.
Buning uchun maktab taʼlimi loyihalarini kengaytirish, oliy oʻquv yurtlari va xususiy oʻquv markazlari imkoniyatlarini birlashtirish, shuningdek, sunʼiy intellekt, mikroyelektronika, uchuvchisiz texnologiyalar va buyumlar interneti boʻyicha mutaxassislar tayyorlashni rivojlantirish rejalashtirilmoqda.
Taqdimotda «Raqamli yoshlar» platformasi ham koʻrib chiqildi. U yoshlarning taʼlimi, kasbiy koʻnikmalari va sertifikatlari haqidagi maʼlumotlarni birlashtiradi, boʻsh ish oʻrinlarini tanlash va ishga joylashishni kuzatib borishga yordam beradi.
Prezident raqamli taʼlimni rivojlantirishni faqat oʻqitilganlar soni bilan emas, balki tayyorgarlik sifati va uning ishga joylashishga taʼsiri bilan baholash zarurligini taʼkidladi.