Oʻzbekistonda erta nikoh va voyaga yetmaganlar homiladorligi faktlarini yashirganlik uchun jarima solish taklif etilmoqda
Mamlakatda 16 yoshga toʻlmagan qizlar oʻrtasidagi erta nikoh va homiladorlik holatlari haqida huquqni muhofaza qiluvchi organlarga xabar bermagan fuqarolar va mansabdor shaxslar uchun maʼmuriy javobgarlikni joriy etuvchi qonun loyihasi muhokamaga qoʻyildi. Hujjatning jamoatchilik muhokamasi 19 sentyabrgacha davom etadi. Tashabbusga koʻra, mahalla, FHDYo, taʼlim va tibbiyot muassasalari vakillari, shuningdek, diniy ulamolar ichki ishlar organlarini xabardor qilishlari shart boʻladi va […]
Oʻzbekistonda erta nikoh va voyaga yetmaganlar homiladorligi faktlarini yashirganlik uchun jarimalar joriy etish taklif qilinmoqda
Mamlakatda 16 yoshdan kichik qizlar oʻrtasidagi erta nikoh va homiladorlik holatlari haqida huquq-tartibot idoralariga xabar bermagan fuqarolar va mansabdor shaxslar uchun maʼmuriy javobgarlikni nazarda tutuvchi qonun loyihasi jamoatchilik muhokamasiga qoʻyildi. Hujjat muhokamasi 19 sentyabrgacha davom etadi.
Tashabbusga koʻra, mahallalar, FHDYo organlari, taʼlim va tibbiyot muassasalari vakillari, shuningdek, diniy soha xodimlari bunday holatlarni aniqlaganda ichki ishlar organlari va «Inson» ijtimoiy xizmatlar koʻrsatish markazlariga xabar berishlari shart boʻladi.
Qonunbuzarliklar haqida xabar bermaganlik uchun quyidagi jarimalarni belgilash taklif etilmoqda:
- fuqarolar va muassasalar xodimlari uchun — BHMning 3 baravaridan 5 baravarigacha;
- mansabdor shaxslar uchun — BHMning 5 baravaridan 10 baravarigacha.
Bir yil davomida takroran sodir etilgan taqdirda, jarima miqdori sezilarli darajada oshiriladi.