Oʻzbekiston Yuqori Pskem GES qurilishi nazorati boʻyicha shartnoma imzoladi
«Oʻzbekgidroenergo» Turkiyaning «Dolsar Engineering» kompaniyasi bilan Yuqori Pskem gidroelektr stantsiyasi loyihasini boshqarish va texnik nazorat qilish boʻyicha shartnoma imzoladi.
Oʻzbekiston Yuqori Pskem GES qurilishi nazorati boʻyicha shartnoma imzoladi
«Oʻzbekgidroenergo» AJ Yuqori Pskem gidroelektr stantsiyasi (GES) qurilishini muhandislik jihatidan qoʻllab-quvvatlash boʻyicha Turkiyaning «Dolsar Engineering Inc. Co.» kompaniyasi bilan shartnoma tuzdi. «Oʻzbekgidroenergo» matbuot xizmati xabariga koʻra, shartnoma loyihani boshqarish va qurilish jarayonining texnik nazoratini oʻz ichiga oladi.
Bitim «Oʻzbekgidroenergo» shoʻʼba korxonasi — «Gidroenergetika qurilishi boʻyicha buyurtmachi xizmati» MCHJ va tenderda gʻolib chiqqan «Dolsar Engineering» kompaniyasi oʻrtasida imzolandi. Imzolash marosimi gidroelektr stantsiyasi qurilishi loyihasi doirasida boʻlib oʻtdi.
Xalqaro muhandislik kompaniyasini jalb qilishdan maqsad loyihaga jahon tajribasi va zamonaviy texnik usullarni tatbiq etishdan iborat. Shartnoma boʻyicha loyihani boshqarish boʻyicha konsalting (PMC) xizmatlari ham loyihani boshqarishni, ham texnik nazoratni qamrab oladi.
Hamkorlik, shuningdek, qurilishning belgilangan talablarga muvofiqligini taʼminlash uchun zamonaviy yechimlar va boshqaruv vositalarini qoʻllashni nazarda tutadi.
Yuqori Pskem GES Pskem daryosida qurilishi rejalashtirilgan. Ushbu loyiha Oʻzbekiston energetika infrastrukturasini kengaytirish va mamlakatning gidroenergetika salohiyatidan foydalanishga qaratilgan tashabbuslardan biridir.
Stantsiya qurilishi Prezidentning 2026 yil 1 maydagi «Gidroenergetika sohasini yanada rivojlantirish boʻyicha kechiktirib boʻlmaydigan chora-tadbirlar toʻgʻrisida»gi PQ-163-sonli qarorida nazarda tutilgan.
Muhandislik koʻmagi qurilishni rejalashtirish, sifat nazorati, texnik xavfsizlik standartlariga rioya qilish va ishlarni belgilangan muddatlarda yakunlashni oʻz ichiga olishi kutilmoqda.