Oʻzbekiston yoshlari guruhda 1-oʻrin bilan Osiyo oʻyinlari chorakfinaliga chiqdi

Oʻzbekiston yoshlari guruhda 1-oʻrin bilan Osiyo oʻyinlari chorakfinaliga yoʻl oldi

Yaponiyaning Nagoya shahrida XX yozgi Osiyo oʻyinlari futbol musobaqasi davom etmoqda.

Oʻzbekiston U23 terma jamoasi guruh bosqichidagi soʻnggi uchrashuvini Vyetnamga qarshi oʻtkazib, 2:0 hisobida gʻalaba qozondi. Gollar Muhammadali Oʻrinboyev va Nurlan Ibraimov nomiga yozildi.

Ushbu muvaffaqiyatdan soʻng oʻzbekistonliklar hisobidagi ochkolar 9 taga yetdi va jamoa guruhda birinchi oʻrin bilan chorakfinalga chiqdi.

Endi bosh murabbiy Ravshan Haydarov shogirdlarini chorakfinalda Saudiya Arabistoniga qarshi bahs kutmoqda. Uchrashuv 25-sentabr kuni Toshkent vaqti bilan soat 10:00 da boshlanadi.

Eslatib oʻtamiz, Osiyo oʻyinlari futbol turniri reglamentiga koʻra, jamoalar tarkibida 23 yoshgacha boʻlgan futbolchilar bilan birga 23 yoshdan katta 3 nafar futbolchi ham boʻlishi mumkin. Oʻzbekiston terma jamoasi turnirda 21 yoshgacha boʻlgan tarkib bilan qatnashmoqda. Bu Los-Anjeles - 2028 olimpiadasi saralashida ishtirok etadigan jamoa yetarli tajriba toʻplashi uchun amalga oshirilgan.

Osiyo oʻyinlari futbol turniri 1990-yildan beri oʻtkazib kelinadi. Musobaqada Eron va Janubiy Koreya 3 martadan chempion boʻlgan. Shuningdek, Oʻzbekiston (1994-yilda), Qatar va Yaponiya ham oltin medallarni qoʻlga kiritgan.