Oʻzbekiston va Ozarbayjon prezidentlari energetika, transport va sanoatdagi kooperatsiyani muhokama qilishdi
Oʻzbekiston va Ozarbayjon prezidentlari energetika, transport va sanoat sohalaridagi hamkorlikni muhokama qildilar
Bakuga amaliy tashrif dasturi davomida Oʻzbekiston prezidenti Shavkat Mirziyoyev Ozarbayjon prezidenti Ilhom Aliyev bilan uchrashuv oʻtkazdi.
Suhbat boshida Oʻzbekiston rahbari Ozarbayjon yetakchisini Osiyoda hamkorlik va ishonch choralari boʻyicha kengashga muvaffaqiyatli raislik qilgani va uning yettinchi sammitini oʻtkazgani bilan tabrikladi.
Tomonlar Ozarbayjon prezidentining joriy yil avgustida Oʻzbekistonga amalga oshirgan davlat tashrifi chogʻida erishilgan kelishuvlarni amaliy roʻyobga chiqarish kontekstida strategik sheriklik va ittifoqchilikni yanada rivojlantirishning dolzarb masalalarini koʻrib chiqdilar.
Uchrashuv qatnashchilari barcha darajalardagi mahsuldor muloqotlarni va yil boshidan buyon oʻzaro tovar aylanmasi 30 foizga oshganini mamnuniyat bilan qayd etdilar.
Geologiya, energetika, qurilish, transport va logistika, yengil sanoat, turizm va boshqa sohalardagi qoʻshma kooperatsiya loyihalari faol bosqichda turandi, shuningdek, boy madaniy-gumanitar almashuv dasturi amalga oshirilmoqda.
Bundan tashqari, ikki davlat rahbarlari mintaqaviy va xalqaro kun tartibi boʻyicha fikr almashdilar hamda boʻlajak tadbirlar jadvalini muhokama qildilar.