Oʻzbekiston U-23 Osiyo oʻyinlari yarim finalida Yaponiyaga penaltilar seriyasida imkoniyatni boy berdi
Oʻzbekiston U-23 yoshlar terma jamoasi Osiyo oʻyinlarining futbol turniri finaliga chiqa olmadi. Yarim finalda jamoa asosiy va qoʻshimcha vaqtdagi 1:1 hisobidagi durangdan soʻng penaltilar seriyasida Yaponiyaga 8:9 hisobida imkoniyatni boy berdi.
Oʻzbekiston U-23 Osiyo oʻyinlari yarim finalida Yaponiyaga penaltilar seriyasida yutqazdi
Oʻzbekiston uchrashuvning 8-daqiqasidayoq hisobni ochdi. Sardorbek Bahromov chap qanotdan uzatilgan toʻpni qabul qilib, Yaponiya terma jamoasi darvozasiga yoʻlladi.
Yaponlar faqat 88-daqiqaga kelibgina hisobni tenglashtirishga muvaffaq boʻlishdi. Sena Ishibashi gol urib, uchrashuvni qoʻshimcha vaqtga olib oʻtdi.
Asosiy vaqtning qolgan qismida va overtaymning ikki boʻlimida jamoalar boshqa gol ura olishmadi. Qarama-qarshilik taqdiri penaltilar seriyasida hal boʻldi.
Futbol lotereyasida Yaponiya terma jamoasi aniqroq harakat qilib, 9:8 hisobida gʻalaba qozondi. Shu tariqa, Yaponiya jamoasi finalga yoʻl oldi va u yerda Janubiy Koreya bilan toʻqnash keladi. Janubiy koreyaliklar ikkinchi yarim finalda Xitoyni 2:1 hisobida magʻlub etishgandi.
Oʻzbekiston terma jamoasi endi bronza medallari uchun kurashadi. Uning raqibi Xitoy boʻladi.
Final uchrashuvi va uchinchi oʻrin uchun oʻyin 3 oktyabr kuni boʻlib oʻtadi.