Oʻzbekiston simli internet tezligi boʻyicha MDH davlatlari reytingida yetakchilik qildi
Oʻzbekiston simli internet tezligi boʻyicha MDH davlatlari orasida birinchi oʻringa chiqdi
Oʻzbekiston Speedtest Global Index jahon internet tezligi reytingida oʻz mavqeini yaxshiladi. Avgust oyida mamlakat ham mobil, ham simli internet yoʻnalishida birdaniga uch pogʻonaga koʻtarildi, MDH davlatlari orasida esa simli ulanish tezligi boʻyicha birinchi oʻrinni egalladi.
Raqamli texnologiyalar vazirligi maʼlumotlariga koʻra, mobil internetda maʼlumotlarni yuklab olishning oʻrtacha tezligi bir oy ichida 62,42 dan 65,27 Mbit/s gacha oshdi. Buning evaziga Oʻzbekiston jahon reytingida 75-oʻrindan 72-oʻringa koʻtarildi.
Besh yil ichida mamlakat mobil internet tezligi boʻyicha 65 pogʻonaga yuqoriladi.
Bundan tashqari, 2026 yil boshidan buyon mamlakatda mobil internet sezilarli darajada tezlashdi. Sakkiz oy ichida oʻrtacha yuklab olish tezligi 27 foizga — 51,42 dan 65,27 Mbit/s gacha oshdi.
Simli tarmoqlarda ham oʻsish qayd etildi: koʻrsatkich 94,23 dan 94,50 Mbit/s gacha koʻtarildi.
Natijada, 2025 yil dekabr oyidagi maʼlumotlarga nisbatan Oʻzbekiston dunyoda 76-oʻrindan 73-oʻringa koʻtarildi.