Oʻzbekiston, Sankt-Peterburg, Peterburgliklar butunjahon klubi, Nukus, Xiva, muzeylar hamkorligi, Savitskiy muzeyi, Sankt-Peterburg tarixi Davlat muzeyi, Nataliya Sidorkevich, madaniy aloqalar
Peterburgliklar Jahon klubi delegatsiyasi Oʻzbekistonga tashrif buyurdi. Nukusda ikki davlat muzeyi oʻrtasida hamkorlik toʻgʻrisidagi memorandum imzolandi.
I.V. Savitskiy nomidagi Qoraqalpogʻiston Davlat sanʼat muzeyi va Sankt-Peterburg Davlat tarix muzeyi hamkorlik toʻgʻrisida memorandum tuzdilar.
Ushbu hujjat Sankt-Peterburgliklar butunjahon klubi delegatsiyasining Oʻzbekistonga muzey, ilmiy va madaniy aloqalarni mustahkamlashga bagʻishlangan tashrifi natijalaridan biri boʻldi.
Delegatsiyaga klub boshqaruvi raisi Nataliya Sidorkevich boshchilik qildi. Tashrif Nukusda I.V. Savitskiy nomidagi Qoraqalpogʻiston Davlat sanʼat muzeyi asoschisining qabriga gul qoʻyishdan boshlandi.
Shundan soʻng Qoraqalpogʻiston Vazirlar Kengashi raisi oʻrinbosari Ajiniyaz Kaynazarov bilan uchrashuv boʻlib oʻtdi.
Ishtirokchilar ilm-fan, oliy taʼlim, turizm, nashriyot faoliyati va muzeylararo almashinuv sohalaridagi hamkorlik istiqbollarini muhokama qildilar.
Uchrashuv davomida, shuningdek, Sankt-Peterburg gubernatori Aleksandr Beglov va shahar Qonunchilik yigʻilishi raisi Aleksandr Belskiyning salomlari yetkazildi.
Murojaatnomalarda Sankt-Peterburgning Oʻzbekiston bilan tarixiy yaqinligi va koʻp yillik sherikligi, jumladan, Ikkinchi jahon urushi yillarida blokadagi Leningradning minglab evakuatsiya qilingan aholisini qabul qilishda respublikaning roli taʼkidlandi. Hududlar oʻrtasidagi gumanitar aloqalarni bundan buyon ham rivojlantirish muhimligi alohida qayd etildi.
Memorandum imzolanishidan tashqari, Nataliya Sidorkevich muzeyga Sankt-Peterburgliklar butunjahon klubi aʼzolari — peterburglik rassomlarning asarlarini topshirdi.
Sovgʻalar tarkibiga Rossiyada xizmat koʻrsatgan rassom Nikita Fominning «Amir Temur maqbarasi» tuyuri (xolsti) hamda Rossiya Rassomlar uyushmasi aʼzosi va Rossiya sanʼat akademiyasi oʻqituvchisi Anatoliy Annenkovning kartinalari kirdi. Muzeyga, shuningdek, «Redkaya kniga iz Sankt-Peterburga» nashriyoti tomonidan chop etilgan «Ermitaj zemnoy i nebesniy» bibliofillik nashri topshirildi.
Madaniy dastur Qoraqalpogʻistonning qadimiy yodgorliklari — Chilpiq, Toproqqalʼa va Ayozqalʼani ziyorat qilishni, shuningdek, YUNESKOning Butunjahon merosi roʻyxatiga kiritilgan Xivadagi Ichan-Qalʼa boʻylab ekskursiyani koʻzda tutgan edi.
Xivada delegatsiya muzey-qoʻriqxona direktori Odilbek Ibragimov bilan uchrashdi. Tomonlar iqlim oʻzgarishlarini hisobga olgan holda paxsa meʼmorchiligini saqlash va restavratsiya qilish masalalarini muhokama qildilar hamda esdalik sovgʻalari bilan almashdilar.
Safar yakunlariga koʻra, Sankt-Peterburg, Nukus va Xiva muzeylari oʻrtasida qoʻshma tadqiqot va koʻrgazma loyihalarining istiqbollari belgilab olindi.
Sankt-Peterburgliklar butunjahon klubi, shuningdek, tashrifni tashkil etishda koʻrsatilgan yordam uchun Oʻzbekistonning Sankt-Peterburgdagi Bosh konsulligiga minnatdorlik bildirdi.