Oʻzbekiston Prezidenti Osiyoda hamkorlik va ishonch choralari boʻyicha kengash sammitida ishtirok etish uchun Bokuga tashrif buyuradi
Oʻzbekiston Prezidenti 14−15 oktyabr kunlari amaliy tashrif bilan Bakuda boʻladi. U yerda u Osiyoda hamkorlik va ishonch choralari boʻyicha kengashning 7-sammitida ishtirok etadi.
Oʻzbekiston Prezidenti OSIYoda hamkorlik va ishonch choralari boʻyicha kengash sammitida ishtirok etish uchun Bokuga joʻnab ketadi
Oʻzbekiston Prezidenti Shavkat Mirziyoyev 14–15 oktyabr kunlari amaliy tashrif bilan Ozarbayjonda boʻladi, deb xabar berdi uning matbuot xizmati.
Bokuda davlat rahbari Osiyoda hamkorlik va ishonch choralari boʻyicha kengashning (OHICHK) 7-sammitida ishtirok etadi.
Kun tartibidan Osiyo qitʼasida ishonch, tinchlik va xavfsizlikni mustahkamlash, shuningdek, OHICHKni institutsional rivojlantirish masalalari oʻrin olgan.
Shuningdek, transport oʻzaro bogʻliqligi, raqamlashtirish, barqaror iqtisodiy oʻsish va boshqa ustuvor yoʻnalishlardagi hamkorlik istiqbollari muhokama qilinadi. Ishtirokchilar mintaqaviy va xalqaro kun tartibining asosiy aspektlari boʻyicha ham fikr almashadilar.
Sammit doirasida Shavkat Mirziyoyev xorijiy delegatsiyalar rahbarlari bilan qator ikki tomonlama uchrashuvlar oʻtkazadi, deyiladi xabarda.
OHICHK — Osiyoda hamkorlikni mustahkamlash, tinchlik, xavfsizlik va barqarorlikni taʼminlashga qaratilgan xalqaro forumdir. Hozirda u qitʼa hududi va aholisining qariyb 90 foizini qamrab olgan 28 ta davlatni birlashtiradi.