Oʻzbekiston landshaftlarning iqlimga chidamliligini oshirish uchun 100 mln yevrodan ortiq mablagʻ oladi
Yashil iqlim jamgʻarmasi Oʻzbekiston, Qirgʻiziston va Tojikiston uchun qiymati 264,4 mln yevrolik mintaqaviy dasturni maʼqulladi. Oʻzbekiston 103,7 mln yevro oladi, bu mablagʻlar oʻrmonlar va yaylovlarni qayta tiklash, barqaror qishloq xoʻjaligi hamda fermerlarni iqlim oʻzgarishiga moslashtirishga yoʻnaltiriladi.
Oʻzbekiston landshaftlarning iqlimga chidamliligini mustahkamlash uchun 100 mln yevrodan ortiq mablagʻ oladi
Green Climate Fund (GCF) umumiy qiymati 264,4 mln yevro boʻlgan «Markaziy Osiyoda iqlimga chidamli landshaftlar» (CLiCA) mintaqaviy dasturini maʼqulladi, deb xabar berdi Oʻzbekiston Ekologiya va iqlim oʻzgarishi milliy qoʻmitasi.
Dastur Germaniya xalqaro hamkorlik jamiyati (GIZ) tomonidan Oʻzbekiston, Qirgʻiziston va Tojikiston bilan hamkorlikda tayyorlangan. Oʻzbekiston tomonidan dastur boʻyicha ishlarni qoʻmita huzuridagi Iqlim oʻzgarishi boʻyicha milliy markaz muvofiqlashtirdi.
Dastur doirasida Oʻzbekistonga 103,7 mln yevro ajratiladi. Ushbu mablagʻlar oʻrmonlar va yaylovlarni qayta tiklash, qishloq xoʻjaligida iqlimga chidamli texnologiyalarni joriy etish, shuningdek, fermerlarning iqlim oʻzgarishi oqibatlariga moslashish uchun zarur boʻlgan moliyaviy vositalardan foydalanish imkoniyatlarini kengaytirishga yoʻnaltiriladi.
Oʻzbekistonda dasturdan kutilayotgan natijalar:
«Ushbu maʼqullash — yanada barqaror jamoalar va landshaftlar sari muhim qadamdir. Qirgʻiziston, Tojikiston va Oʻzbekistondagi hamkorlarimiz bilan birgalikda umumiy maqsadni Markaziy Osiyo aholisi va tabiati uchun uzoq muddatli natijaga aylantirish niyatidamiz», — deya qayd etdi GIZ.