Oʻzbekiston korxonalari SNGning sifat sohasidagi mukofotiga taklif etilmoqda

Oʻzbekiston korxonalari Sifat sohasidagi MDH mukofotida ishtirok etishga taklif etilmoqda

Oʻzbekiston korxonalari 2027 yilgi mahsulot va xizmatlar sifati sohasida erishilgan yutuqlar uchun MDH mukofotini olish boʻyicha 11-tanlovda ishtirok etish uchun talabnoma topshirishlari mumkin. Gʻoliblar xalqaro darajada oʻz mahsulotlari va xizmatlarining raqobatbardoshligini tasdiqlashlari mumkin, deb xabar beradi Vazirlar Mahkamasi huzuridagi Texnik jihatdan tartibga solish agentligi.

Tanlov ikki yilda bir marta oʻtkaziladi. Uning vazifalari — mahsulot va xizmatlar sifatini oshirish, ilgʻor tajribani ommalashtirish hamda MDH mamlakatlarining raqobatbardosh ishlab chiqaruvchilarini qoʻllab-quvvatlashdan iborat.

Ishtirok etish uchun oʻz faoliyatida yuqori natijalarga erishgan hamda mahsulot va xizmatlar sifatiga alohida eʼtibor qaratayotgan korxonalar taklif etiladi.

Ishtirokchilarga qoʻyiladigan asosiy talablar:

- Barqaror sifat: mahsulot yoki xizmatlar oxirgi ikki yil davomida yuqori standartlarga mos kelishi kerak.

- Eksport: korxona mahsulotlari kamida bitta MDH mamlakatiga yetkazib berilayotgan boʻlishi kerak.

- Samarali boshqaruv: sifatni boshqarish tizimi, ishlab chiqarish samaradorligi, innovatsiyalarni joriy etish va isteʼmolchilar qoniqishini oshirish boʻyicha ishlar baholanadi.

Tanlov ishtirokchilari toʻrtta kategoriya boʻyicha baholanadi: ishlab chiqarish-texnik ahamiyatga ega mahsulotlar; xalk isteʼmoli mollari; oziq-ovqat mahsulotlari va qishloq xoʻjaligi mahsulotlari; xizmatlar.