Oʻzbekiston ilk bor aeronavigatsiya boʻyicha ikkita yirik xalqaro tadbirga mezbonlik qiladi
Toshkentda ilk bor aeronavigatsiya sohasida bir vaqtning oʻzida ikkita yirik xalqaro tadbir boʻlib oʻtmoqda. 8 sentyabr kuni SOCEA yillik yigʻilishi boshlandi, 9 sentyabrda esa CANSO Eurasia ANSP’s Summit sammiti boʻlib oʻtadi. SOCEA uchinchi yillik umumiy yigʻilishida Yevropa va Osiyo aeronavigatsiya xizmatlari koʻrsatuvchi provayderlari, shuningdek, xalqaro aviatsiya tashkilotlari vakillari ishtirok etmoqda. Ishtirokchilar parvozlar xavfsizligi, aeronavigatsiya xizmatlari koʻrsatuvchi provayderlar oʻrtasidagi hamkorlikni muhokama qiladilar […]
Oʻzbekiston ilk bor aeronavigatsiya boʻyicha ikkita yirik xalqaro tadbirga mezbonlik qilmoqda
Toshkentda ilk bor aeronavigatsiya sohasidagi ikkita yirik xalqaro tadbir bir vaqtning oʻzida boʻlib oʻtmoqda. 8 sentyabr kuni SOCEA yillik yigʻilishi boshlandi, 9 sentyabr kuni esa CANSO Eurasia ANSP’s Summit sammiti boʻlib oʻtadi.
SOCEAning uchinchi yillik umumiy yigʻilishida Yevropa va Osiyo aeronavigatsiya xizmatlarini koʻrsatuvchi provayderlar, shuningdek, xalqaro aviatsiya tashkilotlari vakillari ishtirok etmoqda.
Ishtirokchilar parvozlar xavfsizligi, aeronavigatsiya xizmatlarini koʻrsatuvchi provayderlar oʻrtasidagi hamkorlik va SOCEAni yanada rivojlantirish masalalarini muhokama qiladilar.
SOCEA — havo harakatini boshqarish va aeronavigatsiya xavfsizligi sohasida hamkorlik qilish uchun Yevropa va Osiyodan kelgan ishtirokchilarni birlashtiruvchi mintaqaviy platformadir.
9 sentyabr kuni Toshkentda CANSO Eurasia ANSP’s Summit sammiti boʻlib oʻtadi. Unda havo harakatini boshqarish, aloqa, navigatsiya va kuzatuv tizimlarini rivojlantirish masalalari koʻrib chiqiladi.
Bundan tashqari, ishtirokchilar sunʼiy intellektni qoʻllash, aviatsiyadagi ekologik texnologiyalar, havo oqimlarini boshqarish va havo hududidan samarali foydalanishni muhokama qiladilar.
Aeronavigatsiya xizmatlarini koʻrsatuvchi provayderlar oʻrtasidagi transchegaraviy muvofiqlashtirishga alohida eʼtibor qaratiladi.