Oʻzbekiston agrosektori sudlarda qoʻshimcha himoyaga ega boʻladi
Oʻzbekiston agrosektori sudlarda qoʻshimcha himoyaga ega boʻladi
Oʻzbekistondagi meva-sabzavot mahsulotlari ishlab chiqaruvchilari va qayta ishlovchilari, shuningdek, issiqxona xoʻjaliklari sudda oʻz manfaatlarini himoya qilish uchun qoʻshimcha imkoniyatga ega boʻladilar. Agrosanoat majmuini rivojlantirish agentligi ularning manfaatlarini davlat boji toʻlamasdan ifoda etishi mumkin boʻladi.
Tegishli oʻzgartirishlar «Davlat boji toʻgʻrisida»gi qonunga kiritildi.
Yangi normalarga koʻra, agentlik oʻz huquqlari va qonuniy manfaatlarini, shuningdek, agrar sektorning mazkur ishtirokchilari manfaatlarini himoya qilish uchun fuqarolik va iqtisodiy sudlarga murojaat qilganda davlat bojidan ozod etiladi.
Bu meva-sabzavot yoʻnalishidagi mahsulotlarni ishlab chiqaruvchilar va qayta ishlovchilar hamda issiqxona xoʻjaliklarini himoya qilish bilan bogʻliq daʼvolar, arizalar, shikoyatlar va boshqa murojaatlarga taalluqlidir.
Shu tariqa, agentlik agrar bozorning ushbu ishtirokchilari manfaatlarini sud nizolarida davlat boji uchun qoʻshimcha xarajatlarsiz himoya qila oladi.
, 2026 yilning birinchi yarim yilligida Oʻzbekiston iqtisodiyoti va ijtimoiy sohasiga 338,9 trillion soʻm investitsiya kiritildi. Eng koʻp investitsiyalar sanoat, qishloq xoʻjaligi va qurilish sohalariga toʻgʻri keldi.