Oʻzbekiston 2027 yil yanvaridan yana MDHga raislik qiladi
Oʻzbekiston yana 2027 yil yanvaridan SHTga raislik qiladi
2027 yil 1 yanvardan Mustaqil Davlatlar Hamdoʻstligiga raislik Oʻzbekistonga oʻtadi. Tegishli qaror Turkmanistonda boʻlib oʻtadigan MDH davlat rahbarlari Kengashining navbatdagi yigʻilishida qabul qilinishi rejalashtirilgan.
Bu haqda Rossiya prezidenti yordamchisi Yuriy Ushakov maʼlum qildi. Uning soʻzlariga koʻra, 8–9 oktyabr kunlari Ashxobodda boʻlib oʻtadigan sammitda MDH davlat rahbarlarining navbatdagi uchrashuvi Oʻzbekistonda oʻtkazilishi ham eʼlon qilinadi. Ushbu boʻlajak uchrashuv sanasini Oʻzbekiston keyinroq maʼlum qiladi.
Oʻzbekiston Prezidenti Shavkat Mirziyoyev uchrashuvda mamlakatning Hamdoʻstlikka raislik davridagi ustuvor yoʻnalishlarini taqdim etadi.
Oʻzbekiston uchun bu raislik qilish boʻyicha ikkinchi tajriba boʻladi. Mamlakat ilk bor ushbu masʼuliyatli missiyani 2020 yilda oʻz zimmasiga olgan edi.
Joriy yilda Hamdoʻstlikka Turkmaniston raislik qilmoqda.